बिहिबार साँझ फिल्म ’कबड्डी कबड्डी’को प्रिमियर भयो । निकै तामझामका साथ ठुलो दर्शक भीड सहित सम्पन्न प्रिमियर शोमा दर्शकले राम्रै प्रतिक्रिया दिए ।
रोमाञ्चक कुरा त के भयो भने कार्यक्रम चलाएका निर्देशक निश्चल बस्नेतको कुरो प्रमुख अतिथी बनेका सञ्चार मन्त्री शेरधन राईले लत्याईदिए । जब निश्चलले जान्नी भएर आफुहरुले बनाएको फिल्म हेर्ने आग्रह सुरुमै स्विकार्दै मन्त्रीज्यू फिल्म हेर्न आईदिएको तथा पूरा फिल्म हेरेर मात्र फर्किनुहुनेछ भन्ने ठम्म्याई लिए ।
मन्त्री राईले भने कसैले फिल्म हेर्न बोलाएर नआएको भन्दै सञ्चार मन्त्रालयको सचिवालयमा पत्र आएपछि फिल्मको कार्यक्रममा पनि पुगौं न त भनेर आएको भन्दै ५ मिनेट मात्र बस्ने भनाइ राखे । जब मन्त्रीले यस्तो भने तब दिएपछि निश्चलको अनुहार कालो निलो भयो ।
५ मिनेट जति बोलेका मन्त्रीले फिल्मको सफलताको शुभकामना दिए पनि धेरै समय देशको राजनीतिक अबस्थाको बारेमा खर्चे । सञ्चारमन्त्री राईले देशको अर्थतन्त्रलाई सम्बृद्धीको बाटोमा लैजान फिल्म उद्योगले पनि महत्वपुर्ण भुमिका खेल्ने भन्दै उद्योगलाई व्यवसायिक बनाउन तर्फ लाग्न फिल्मकर्मीहरुलाई आग्रह गरे ।
त्यसपश्चात मन्त्री राई फिल्म सुरु नहुँदै आफ्नो मन्तव्य सकाएर बाहिरिए ।
