बालाजुमा रहेको नेपाल चलचित्र विकास कम्पनी, एनएफडीसीले पारिश्रमिक नदिएपछि एक प्राविधिक अहिले जेल परेका छन् । विगत ९ महिनादेखि पारिश्रमिक नपाएका प्राविधिक जनक चौधरीले एनएफडीसीमा रहेको एक सीपीयू चोरेका कारण जेलमा परेका हुन् ।
जनकले पारिश्रमिक नदिए कप्युटर चोर्ने बताउँदै पनि आएका थिए । तर, दशैंमा पनि पारिश्रमिक नपाएका उनले तिहारको तलब माग्दा पनि पाएनन् । यसपछि उनले एप्पलको सीपीयू नै चोरिदिएका थिए ।
जनक अहिले बालाजु प्रहरी चौकीमा छन् । उनलाई करिब १५ दिनदेखि प्रहरीले थुनामा राखेर मुद्दा चलाइरहेको छ । चलचित्र प्राविधिक संघका उपाध्यक्ष पुष्कर लामाले काठमाण्डौ जिल्ला अदालतमा आज सुनुवाई हुने र उनी छुट्ने संभावना रहेको बताए ।
प्राविधिकले दुख पाउँदा आफू चुप लागेर बस्न नसकेकाले उनको रिहाइका लागि पहिल गरिरहेको पुष्करको भनाई छ । एनएफडीसीलाई अहिले गोपिकृष्ण मुभिजले संचालन गर्दै आएको छ । निरक पौडेल अहिले एनएफडीसीका अध्यक्ष हुन् ।
