अभिनेत्री शिल्पा पोख्रेललाई अहिले ‘फागु’को लागेको छ । शिल्पा फिल्मको गीत र ट्रेलर सार्वजनिक भएसँगै यसको प्रचारमा लागिपरेकी छिन् । अनलाइनदेखि पत्रिकामा आएका हरेक समाचारलाई आफ्नो फेसबुकमा पोष्ट गर्दै शिल्पा ‘फागु’ प्रचारमा सक्रिय देखिएकी छिन् ।
उनले यसअगाडि छविराज ओझाका २ फिल्म ‘लज्जा’ र ‘हवल्दार सुन्तली’मा काम गरिसकेकी छिन् । छवि शिल्पाका लागि फिल्म क्षेत्रका गडफादर पनि हुन् । तर, शिल्पाले छविकै फिल्ममा यस्तो तनमन देखाएकी थिइनन् । शिल्पाले फिल्मको प्रचारमा सहयोग नगरेको गुनासो पनि छविले गर्ने गरेका थिए । तर, अहिले शिल्पाले ‘फागु’लाई देखाएको माया ईष्र्या लाग्दो छ ।
करिश्मा मानन्धरले बनाएको ‘फागु’लाई संझना रौनियारले निर्देशन गरेकी हुन् । संझनाका पति विकास रौनियारलाई शिल्पाले भाइटिका पनि लगाइदिएकी थिइन् ।शिल्पाका लागि ‘फागु’ विशेष पनि छ । किनकी उनमा छविकी हिरोइनको ठप्पा छ र छवि ब्यानर बाहिर उनको यो पहिलो फिल्म होसायद यही भएर होला उनी ‘फाग’ु प्रचारमा ४ महिना अगाडि देखि नै लागिपरेकी छिन् ।
