शुक्रबार देखि अल नेपाल रिलिजमा आएको फिल्म ‘नागरिक’ को विशेष शो आयोजना गरिएको छ । सुन्धारास्थित सिने दि सेफमा आयोजित यो राजनीतिक फिल्मको विशेष शोमा नायिका निशा अधिकारी सहभागी थिइन् । आउँदो साता आफ्नो फिल्म ‘लुटेरा’ प्रदर्शनको चपेटामा रहेकी निशाले फिल्ममा कलाकारको अभिनय उत्कृष्ट रहेको प्रतिक्रिया दिइन् ।
विमल पौडेल निर्देशित फिल्ममा विश्व बस्नेत, रमेश बुढाथोकी, गणेश उप्रेती, सरिता गिरी, अनु शाह लगायत कलाकारहरुको अभिनय रहेको छ । सत्यराज चौलागाईंको कार्यकारी निर्माण रहेको फिल्म ‘नागरिक’ ले प्रदर्शनको सुरुवातमा पेट्रोल अभावको असर बेहोर्नु पर्यो । उनले सार्वजनिक बिदाको दिन शनिबार हलमा दर्शक बढ्ने अपेक्षा व्यक्त गरे । आयुश्री राजभण्डारी र सर्भानि राज्य दुलालको संयुक्त निर्माण रहेको फिल्म छायाँकन सकेको तीन वर्ष पछाडी प्रदर्शनमा आएको हो ।
