Nepal's No.1 Filmy Web Magazine

विश्वको ठूलो फिल्म बजार मानिने छिमेकी मुलुक भारतमा नेपाली फिल्मका लागि ठूलो ढोका खोल्न लागेको फिल्म ‘प्रेमगीत ३’को चारवटा हिन्दी गीतको अडियो एल्बम सार्वजनिक भएको छ । सोमवार निर्माण टिमले भारतको प्रतिष्ठित कम्पनी जी म्यूजिकको यूट्युब च्यानलबाट गीत सार्वजनिक गरेको हो । गीतमा भारतका चर्चित गायक-गायिकाहरुले स्वर दिएका छन्, जुन कर्णप्रिय छ ।

जुम्लामा छायांकन भएको अभिनेता प्रदीप खड्का अभिनीत फिल्म ‘प्रकाश’को छायांकन भएकै गाउँमा विश्व प्रिमियर गरिएको छ । जुम्लाको तिर्खु गाउँमा अवस्थित ऋण मोक्ष माध्यमिक विद्यालयको परिसरमा आइतवार साँझ फिल्मको प्रिमियर भएको हो । प्रिमियरमा सहभागी हुन काठमाडौंबाट जुम्ला पुगेका प्रदीप र लेखक विकास सुवेदीलाई स्थानीयहरुले सम्झनलायक स्वागत गरे ।

प्रदीप शाहीको पहिलो निर्देशकीय फिचर फिल्म हो, ‘गोर्खा : बिनिथ द ब्रेभरी’ । गोर्खा सैनिकको कथामा निर्माण भएको फिल्म भदौ २४ गतेबाट प्रदर्शनमा आउने तयारीमा छ । लामो समयदेखि बेलायतमा बस्दै आएका शाहीले यसअघि ‘पासपोर्ट’, ‘वेटिङ, ‘कन्फ्लिक्ट’ लगायतका सर्ट फिल्मको निर्देशन गरेका थिए । जसबाट उनले थुप्रै अन्तर्राष्ट्रिय अवार्डहरु जितेका छन् । यूकेको केही टेलिभिजन ड्रामामा सहायक निर्देशक भएर काम गरेको अनुभव पनि उनीसँग छ ।

अभिनेत्री साम्राज्ञी आरएल शाहको फिल्मी करिअर सुखद् नै मान्न सकिन्छ । फिल्म ‘ड्रिम्स’बाट सानदार डेब्यू गरेकी उनको दोस्रो फिल्म ‘ए मेरो हजुर २’ पनि सफल रह्यो । तेस्रो फिल्म ‘इन्टु मिन्टु लण्डनमा’ले पनि उनलाई निराश बनाएन । यी तीन फिल्मबाट आफ्नै काँधमा फिल्म बोक्न सक्ने नायिकाको रुपमा स्थापित गरेकी उनले त्यसपछि भने सफलताको सुःख पाउन सकेकी छैनन् ।