Nepal's No.1 Filmy Web Magazine

शुक्रवारबाट दुई आशातित फिल्म ‘प्रकाश’ र ‘राधा’ प्रदर्शनमा आएका छन् । तर, नेपाली माटो बोल्ने यी दुई फिल्मलाई विशेषगरी मल्टीप्लेक्स सञ्चालकहरुले भने सौतेनी व्यवहार देखाएका छन् । शुक्रवारबाटै प्रदर्शन भएको बलिउड फिल्म ‘लाइगर’लाई भएभरको शो थुपारेर हल सञ्चालकहरुले नेपाली फिल्मलाई भने झारो टार्ने शो मात्र दिएका छन् । क्यूएफएक्सको च्यानलमा त ३ बजेपछि दुवै फिल्मलाई शो छैन ।

गत जेठमा प्रदर्शनमा आएको फिल्म ‘कबड्डी ४’पछि एक दर्जन बढी फिल्म प्रदर्शनमा आइसकेका छन् । तर, कुनै नेपाली फिल्मले दर्शकलाई हलसम्म आकर्षित गर्न सकेका छैनन् । एकपछि अर्को आशातित र नाम चलेका कलाकारहरुको फिल्महरु असफल भइरहँदा फिल्म क्षेत्रमा निराशा छाएको अवस्था छ । यतिबेला फिल्म क्षेत्रलाई वैतरणी तार्ने फिल्मको आवश्यकता देखिएको छ । 

नर्वेमा ‘तिम्रो नजर’ नामक फिल्म खिच्नका लागि नेपाल पर्यटन बोर्डको नक्कली लेटरप्याड, स्ट्याम्प र कार्यकारी प्रमुखको हस्ताक्षर प्रयोग गरेर नर्वेजियन दूतावासमा भिसा आवेदन पेस भएको घटना बाहिर आएपछि फिल्म क्षेत्रमा भूकम्प नै आएको छ । आर्यन सिग्देल, केकी अधिकारीसहित १४ जनाको नाममा ‘ब्लु बर्ड एच डि’ नामक कम्पनीले दूतावासमा भिसा आवेदन दिएको थियो ।

फिल्म ‘प्रसाद २’का निर्माता र अभिनेताबीचको विवाद अझै किनारा लागेको छैन । कास्कीको ल्वाङ गाउँमा क्यामेरा ‘अन’ गरेर छायांकनका लागि तयार रहेको अवस्थामा अभिनेता विपिन कार्कीले स्टोरी बोर्ड मागेपछि निर्माताले फिल्मको सुटिङ नै रोके । र, फिल्मको सिंगो टिम कास्कीबाट काठमाडौं फर्कियो । त्यसपछि फिल्मको टिम र विपिनबीच कुराकानी र भेटघाट नै भएको छैन ।

लभस्टोरी फिल्ममा युवापुस्ताको ठूलो जमातले अत्याधिक रुचाएको जोडी हो, आर्यन सिग्देल र नम्रता श्रेष्ठ । उनीहरुबीच पहिलो पटक फिल्म ‘मेरो एउटा साथी छ’मा सहकार्य भएको थियो । यो फिल्मलाई लभस्टोरीमा माइलस्टोन भनिन्छ । यसपछि उनीहरुले ‘नोभेम्बर रेन’ र ‘क्लासिक’बाट पनि दर्शकको मन जिते । तर, ‘क्लासिक’पछि यो जोडीको फिल्ममा सहकार्य नै हुन सकेको छैन ।