Nepal's No.1 Filmy Web Magazine
हिन्दी भाषामा डब भएर पहिलो पटक नेपाली फिल्म ‘प्रेमगीत ३’ भारतीय हलमा प्रदर्शन हुने भएपछि नेपाली फिल्म क्षेत्रको सर्वोच्च निकाय चलचित्र विकास बोर्डले फिल्मको निर्देशकदेखि कलाकारसम्मलाई सम्मान गरेको छ । आइतवार बोर्डको सभा हलमा आयोजित एक कार्यक्रममा अध्यक्ष भुवन केसीले फिल्मको टिमलाई शुभकामना दिँदै सम्मानस्वरुप गौतम बुद्धको मुर्ति प्रदान गरे ।
नेपाली फिल्म क्षेत्रमा कलाकार र निर्देशकबीच सुमधुर सम्बन्ध स्थापित भएका ज्यादै कम उदाहरण छन् । प्रायःको एउटा फिल्ममा सहकार्य भएपछि सम्बन्ध विग्रिएकै हुन्छ । तर, यसको अपबादमा पर्छन्, निर्देशक सुदर्शन थापा र अभिनेत्री पूजा शर्मा । ‘मधुमास’ देखि उनीहरुबीच सहकार्य टुटेको छैन । बेला बखतमा खटपटको खबर आएता पनि उनीहरुको व्यावसायिक सम्बन्ध मजबूत छ ।
ललित भुसालको निर्देशनमा बनेको फिल्म ‘क्रस्ड वीङ्स’ अमेरिकाको मिसिगन राज्यमा हुन लागेको संसारकै प्रतिष्ठित रोयल स्टार फिल्म फेस्टिभलमा छानिएको छ । यही भदौ २६ गते (सेप्टेम्बर ११) हुने फेस्टिभलमा उक्त फिल्म आधिकारिक रुपमा छनोट भएको हो । यसअघि यो फिल्म विभिन्न अन्तर्राष्ट्रिय फिल्म फेस्टिभलहरुमा सहभागी भएर पुरस्कारहरु पनि प्राप्त गरिसकेको छ ।
निर्माताहरुको छाता संस्था चलचित्र निर्माता संघको आसन्न महाधिवेशनमा निर्माता, निर्देशक तथा कलाकार नवल खड्काले अध्यक्ष पदमा उम्मेदवारी दिने भएका छन् । उनले आइतवार फेसबुकमा एजेन्डासहित अध्यक्षमा उम्मेदवारी घोषणा गरेका हुन् । उनले विदेश भूमिमा नेपाली फिल्म रिलिजको वातावरण बनाउनेदेखि विदेशी फिल्ममा कर वृद्धि गर्नेसम्मको एजेन्डा अघि सारेका छन् ।
युवापुस्ताको नाडी छामेर रोमान्टिक फिल्म बनाउने निर्देशकमा सुदर्शन थापाको नाम अग्रपंक्तिमा आउँछ । ‘मेरो एउटा साथी छ’ होस् वा ‘प्रेमगीत’, रोमान्टिक फिल्म निर्देशनमा उनले आफूलाई प्रमाणित गरिसकेका छन् । उनी निर्देशित फिल्मप्रति दर्शकको ठूलो आशा र अपेक्षा हुने गर्छ । उनै, सुदर्शनको नयाँ लभस्टोरी फिल्म ‘सम्हालिन्छ कहिले मन’ भदौ १७ गते प्रदर्शनमा आउँदैछ ।
अभिनेत्री अदिती बुढाथोकी र अभिनेता धिरज मगरले अभिनय गरेको फिल्म ‘बाबरी’ बडा दशैंको छेको पारेर आगामी असोज १४ गतेबाट प्रदर्शनमा आउने तयारी छ । ‘बाबरी रंग’ र ‘चुलबुल चुलबुल’ बोलका दुई गीतबाट चर्चामा रहेको फिल्मको ट्रेलरले पनि राम्रो प्रतिक्रिया बटुलेको छ । पहिलो पटक एकसाथ काम गरेका अदिती र धिरजको जोडीलाई दर्शकहरुले निकै रुचाएका छन् ।
