Nepal's No.1 Filmy Web Magazine
रिलिजको दोश्रो दिन शनिवार चलचित्र ‘प्रकाश’ले उत्साहजनक व्यवसाय गरेको छ । माउथ पब्लिसिटीमा अब्बल साबित भएको यो चलचित्रका शनिबार राजधानीका अधिकांश मल्टीप्लेक्स शोहरु भरिभराउ देखिएका छन् । उपत्यका बाहिर पनि ८० प्रतिशत अकुपेन्सी आँकलन गरिएको छ ।
गत बैशाखमा साउथको ठूलो फिल्म ‘केजीएफ २’सँग फिल्म ‘ए मेरो हजुर ४’ले भिड्ने आँट गर्दा कसैबाट साथ, सहयोग र समर्थन नपाएपछि निर्देशक झरना थापाले एक कार्यक्रममा भनेकी थिइन्, ‘आज मलाई झम्टिएको चितुवाले भोली तपाईंलाई पनि टोक्न सक्छ । त्यसैले आज हामीलाई पर्दा मौन नबस्नुहोस् । फिल्म इन्डस्ट्री रहे न हामी रहन्छौं । त्यसैले पहिला घर बचाउन सबै जुटौं ।’
कात्तिक ११ गतेबाट प्रदर्शनमा आउन लागेको प्रदीप भट्टराई निर्देशित फिल्म ‘महापुरुष’को पहिलो गीत सार्वजनिक भएको छ । शनिवार बुबाको मुख हेर्ने दिनको अवसर पारेर सार्वजनिक गरिएको ‘बा’ बोलको गीतमा कवि नवराज पराजुलीको शब्द र ऋदम कँडेलको स्वर तथा संगीत छ । फिल्मको चल/अचल दृश्यहरु समावेश गीतमा सन्तान र पिताबीचको सम्बन्धलाई देखाइएको छ ।
बुबाको मुख हेर्ने दिनको अवसर पारेर छायांकनरत फिल्म ‘छड्के २’को टिमले मुख्य अभिनेता अनमोल केसीको क्यारेक्टर लुक्स सार्वजनिक गरेको छ । जसमा अनमोल एंग्री अवतारमा प्रस्तुत छन् । लामो कपाल र शरीरभरी अनौठो किसिमको ट्याटु खोपेका उनले मुखमा चुरोट च्यापेका छन् । अनुहार रगतले पोतिएको छ भने उनको हातमा रगत लागेको धारिलो हतियार पनि देखिन्छ ।
विदेशी फिल्म आउँदा नेपाली फिल्मलाई प्रदर्शकहरुले दबाउन कुनै कसर बाँकी राख्दैनन् । यसपटक यसको शिकार शुक्रवारबाट प्रदर्शनमा आएका दुई आशातित नेपाली फिल्म ‘प्रकाश’ र ‘राधा’ भए । नेपाली २ करोड आसपासमा नेपाल भित्रिएको बलिउड फिल्म ‘लाइगर’लाई सर्वाधिक शो दिँदा हल सञ्चालकहरुले दुई नेपाली फिल्मलाई भने शुक्रवार झारो टार्न मात्र शो थमाएका थिए ।
गत वर्ष ‘पुष्पा’सँग आफ्नो फिल्म ‘चपली हाइट ३’ भिड्ने भएपछि निर्माता अर्जुन कुमार एक्लै वितरकहरुसँग भिडे । बोल्नलाई केही बाँकी राखेनन् । तर, उनले साउथ फिल्मको विरोध गर्दा उनलाई साथ दिने कोही थिएनन् । गत बैशाखमा ‘केजीएफ २’सँग ‘ए मेरो हजुर २’ भिड्ने आँट गर्दा निर्माता सुनिल कुमार थापा र झरना थापा मात्र बोले । उनीहरुले कसैबाट साथ र सहयोग पाएनन् ।
