Nepal's No.1 Filmy Web Magazine
यही असार ३१ गतेबाट प्रदर्शन आरम्भ गर्न लागेको फिल्म ‘सम्झना विर्सना’को दोस्रो ट्रेलर सार्वजनिक भएको छ । निर्माण टिमले फिल्मको प्रदर्शन मिति फेरबदल भएपछि दोस्रो टिजर सार्वजनिक गरेको हो । जागिरको खोजीमा रहेकी अभिनेत्री पूजा शर्मा, अभिनेता आकाश श्रेष्ठ हाकिम रहेको अफिसमा कर्मचारीको रुपमा भित्रिएपछि आउने उचार-चढावलाई ट्रेलरमा देखाइएको छ ।
दयाराम दाहालको दुई वर्षे कार्यकाल सकिएपछि रिक्त रहेको चलचित्र विकास बोर्डको अध्यक्षका लागि यतिबेला कांग्रेस निकट फिल्मकर्मीहरु भोकनिन्द्रा नभनी दौडिरहेका छन् । सञ्चार तथा सूचना मन्त्रालयले अध्यक्षका आगि आवेदन मागे पनि बोर्डमा राजनीतिक दलको कार्यकर्ता भर्ती हुने भएकाले अध्यक्ष पद माग्दै फिल्मकर्मीहरु राजनीतिक शक्ति केन्द्रहरुमा धाइरहेका छन् ।
लभस्टोरी फिल्म निर्देशनमा सुदर्शन थापाले आफ्नो बेग्लै स्थान र उचाईं बनाएका छन् । निर्देशकको रुपमा डेढ दशकको अवधिमा उनले पस्किएका रोमान्टिक लभस्टोरी फिल्मले दर्शकलाई प्रेम गर्न मात्र सिकाएका छैनन्, उनले विश्वास पनि कमाएका छन् । जुन एउटा निर्देशकका लागि ठूलो सम्पत्ति हो । लभस्टोरी फिल्म निर्देशनमा सफल निर्देशकको चर्चा हुँदा उनको नाम छुट्ने गर्दैन ।
सुदर्शन थापाको निर्देशनमा अभिनेता अनमोल केसीले पहिलो पटक काम गर्ने भएका छन् । शुक्रवार उनले सुदर्शनको निर्देशन र अभिनेत्री पूजा शर्माको निर्माण रहने एक अनटाइटल प्रोजेक्ट साइन गरेका हुन् । यसअघि सुदर्शनले ‘प्रेमगीत’ लगायतका केही फिल्मबाट अफर गरे पनि अनमोलले काम गर्न अस्वीकार गरेका थिए । अन्ततः लामो समयको प्रयासपछि सहकार्य जुरेको छ ।
आगामी भदौ ३ गते (कृष्ण अष्टमी) बाट प्रदर्शनमा आउन लागेको प्रेमकथानक फिल्म ‘कृष्ण लीला’ गीत-संगीतका कारण चर्चा छ । फिल्ममा समावेश ‘कुनै दिन त्यो कथामा’ बोलको रोमान्टिक गीत गीतले लोकप्रियता हासिल गरिसकेको अवस्थामा एक हप्ता अगाडि सार्वजनिक भएको ‘ए मेरो हजुर’ गीतले पनि दर्शकको मन जितेको छ । गीतले फिल्मको व्यापारमा राहत दिने देखिन्छ ।
फिल्म ‘प्रसाद’ र ‘जात्रा’ सिरिजको सफलतापछि अभिनेता विपिन कार्कीको करिअर उचाईंमा छ । चरित्र निर्माणमा गर्ने मिहिनेत र अभिनय उम्दा गर्ने भएकाले उनलाई फिल्म अफरको ओइरो छ । उनको नामले हलसम्म दर्शकको ठूलो भीड तान्न सक्ने स्टारडम नभएपनि उनीप्रति निर्माता तथा निर्देशकको विश्वासमा कमी आएको छैन । उनी अहिलेका सर्वाधिक महंगा अभिनेतामा पर्छन् ।
