Nepal's No.1 Filmy Web Magazine
एक नाबालिगलाई जबर्जस्ती करणी गरेको अभियोगमा जेल जीवन विताइरहेका चर्चित नायक पल शाहको मुद्धामा जिल्ला अदालत तनहुँले बुधवार (आज) सुनुवाइ गर्ने म्याद तोकेको थियो । तर, उनको मुद्धा हेर्ने न्यायाधीश अनुपस्थित भएपछि सुनुवाइ स्थगित भएको छ । शाहको बलात्कार सम्बन्धि मुद्धा तनहुँ जिल्ला अदालतका न्यायाधीश दलबहादुर केसीको इजलासमा परेको थियो ।
यस वर्ष अष्ट्रेलियामा आयोजना हुन लागेको आईसीसी पुरुष २०-२० विश्वकप क्रिकेटको ट्रफी हेर्न र उचाल्न अभिनेता तथा फिल्म ‘बगान’का निर्देशक सरोज खनाल भक्तपुर पुगेका छन् । बुधवार विश्वकप क्रिकेटको ट्रफी भक्तपुरमा सर्वसाधारणका लागि प्रदर्शन गरिएको थियो । जहाँ खनाल उपस्थित भएका थिए । उनले विश्वकपको ट्रफी नेपाल आउनु अत्यन्त खुसीको कुरा रहेको बताए ।
यही भदौ १८ गते निर्माताहरुको छाता संस्था नेपाल चलचित्र निर्माता संघको पाँच वर्षपछि चुनावी वार्षिक साधारण सभा हुँदैछ । कोरोना महामारीका कारण केही समय पछाडि धकलिएको निर्माता संघको चुनावमा विभिन्न निर्माताहरुले विभिन्न पदमा आकांक्षा राख्दै उम्मेदवारी घोषणा गरिरहेका छन् । केही दिनअघि निर्माता नवल खड्काले अध्यक्षमा उम्मेदवारी दिने घोषणा गरेका थिए ।
यो हप्ता बलिउड फिल्म ‘लाइगर’सँगै दुई नेपाली फिल्म ‘प्रकाश’ र ‘राधा’ प्रदर्शनमा आए । प्रदर्शनको पहिलो दिन ‘लाइगर’माथि मल्टीप्लेक्स सञ्चालकहरुले ठूलो विश्वास गर्दा दुई नेपाली फिल्मले न प्राइम टाइम शो पाए न पर्याप्त शो । यद्यपि, प्रदर्शनको पहिलो दिन ‘प्रकाश’भन्दा मल्टीप्लेक्समा ‘राधा’ले बढी शो पाएको थियो । त्यसैले यसका निर्माता राम्रो शो पाउँदासम्म दंग भएर मौन बसे ।
शुक्रवारबाट प्रदर्शनमा आएको फिल्म ‘प्रकाश’लाई बलियो ‘वर्ड अफ माउथ’ मिलेको छ । दर्शकसँगै विभिन्न क्षेत्रका व्यक्तिहरुले फिल्म हेरेर प्रशंसा गरिरहेका छन् । यसैक्रममा, पूर्व सञ्चारकर्मी तथा विवेकशिल साझा पार्टीका पूर्वअध्यक्ष रविन्द्र मिश्रले पनि मंगलवार (आज) फिल्म हेरेर फेसबुकमा प्रशंसाको मीठो शब्द कोरेका छन् । उनले फिल्मले आफूलाई रुवाएको बताएका छन् ।
शुक्रवारबाट प्रदर्शनमा आएको अभिनेता सौगात मल्ल र अभिनेत्री सृष्टि श्रेष्ठ स्टारर फिल्म ‘राधा’लाई निर्माताहरुले हलबाट उतार्ने निर्णय गरेका छन् । मंगलवार दिउँसो ललितपुरको एक रेस्टुराँमा आकस्मिक पत्रकार सम्मेलनको आयोजना गर्दै निर्माण टिमले मल्टीप्लेक्सहरुले प्राइम टाइम र पर्याप्त शो उपलब्ध नगराएका कारण आजकै दिनबाट फिल्मलाई हलबाट उतार्ने घोषणा गर्यो ।
