Nepal's No.1 Filmy Web Magazine
ऐतिहासिक विषयवस्तुमा आधारित भएर निर्माण भएको फिल्म ‘नालापानी’को ट्रेलर सार्वजनिक भएको छ । बिहीवार राजधानीमा एक कार्यक्रमका बीच सार्वजनिक गरिएको ट्रेलरमा नालापानी गढीमा अङ्ग्रेज सैनिकविरुद्ध नेपाली फौजले लडेको साहसिक लडाईंलाई देखाइएको छ । २ मिनेट ४१ सेकेन्ड लम्बाईको ट्रेलर कटिङ उत्कृष्ट छ । ट्रेलरमा ब्याकग्राउन्ड स्कोरको काम प्रशंसनीय छ । अंग्रेजसँगको लडाईंको क्रममा देखाईएका दृश्य वास्तविक लाग्छन् ।
९० को दशकमा नेपाली फिल्ममा ठूलो नाम बनाएकी चर्चित अभिनेत्री तृप्ति नाडकरका छोरा धिरजले पनि नेपाली फिल्ममा पाइला राखेका छन् । धिरज अभिनीत पहिलो नेपाली फिल्म ‘बाबरी’ असोज १४ गतेबाट प्रदर्शनमा आउँदैछ । आफ्नो छोराको फिल्म रिलिजको पूर्व सन्ध्यामा तृप्तिले भिडियो सन्देशमार्फत् आफूले नेपालमा पाएको माया छोराले पनि पाउने आशा व्यक्त गरेकी छन् ।
कोरोना महामारीको असर बलिउडको बक्सअफिसमा राम्रैसँग परेको छ । बलिउडका प्रायः सुपरस्टारको फिल्मले बक्सअफिसमा स्ट्रगल गर्नुपरेको छ । आफ्नो फिल्मले अपेक्षाकृत व्यापार नगरेपछि केही स्टारले पारिश्रमिक समेत घटाएका छन् । भर्सटायल अभिनेताको रुपमा चिनिएका आयुष्मान खुरानाले पनि आफ्ना दुई फिल्म बक्सअफिसमा नचलेपछि पारिश्रमिक घटाएका छन् ।
एक समय नेपाली फिल्ममा आफ्नो सशक्त उपस्थिति जनाएकी अभिनेत्री तृप्ति नाडकर ८/९ वर्षदेखि काँचको पर्दामा देखिएकी छैनन् । उनी नेपाल नआएकै ८ वर्षभन्दा बढी भइसकेको छ । केही वर्षयता उनी भारतमा शिक्षण पेशामा आबद्ध छिन् । ‘कुशुमे रुमाल’, ‘चिनो’, ‘सम्झना’, ‘लाउरे’, ‘कोशेली’ जस्ता कयैन् यादगार फिल्म दिएकी उनलाई पुनः पर्दामा हेर्न दर्शकहरु अधैर्य छन् ।
बडा दशैंको अवसर पारेर असोज १४ गतेबाट प्रदर्शनमा आउन लागेको फिल्म ‘बाबरी’का तीन प्रमुख कलाकारहरुले काठमाडौंका दर्शकसँग साक्षात्कार गरेका छन् । बुधवार नयाँ बसपार्कको लोत्से मल अगाडि आयोजित ‘फ्यान्स मिट एन्ड ग्रिट’ कार्यक्रममा अभिनेता द्वय धिरज मगर र धिरज नाडकरसँगै अभिनेत्री अदिती बुढाथोकीलाई हेर्न दर्शकहरुको उल्लेख्य उपस्थिति रहेको थियो ।
लोकेशन नेपाल नामक कम्पनीको माध्यमबाट अन्तर्राष्ट्रिय फिल्मको नेपालमा लाइन प्रोड्युसरको रुपमा काम गर्दै आएका गौतम धिमाल अन्तर्राष्ट्रिय फोटोग्राफी अवार्ड (आईपीए) २०२२ बाट सम्मानित हुने भएका छन् । पुरस्कारको घोषणा यही अक्टोबर २५, २०२२ मा संयुक्त राज्य अमेरिकाको न्युयोर्क शहरस्थित कार्नेगी हलको जाङ्केल हलमा हुनेछ । यो अवार्डबाट सम्मानित हुने धिमाल पहिलो नेपाली फोटोग्राफर हुन् ।
