Nepal's No.1 Filmy Web Magazine
दिपावलीको अवसर पारेर कात्तिक ४ गतेबाट प्रदर्शनमा आउन लागेको फिल्म ‘के घर के डेरा’को ट्रेलर सार्वजनिक भएको छ । शुक्रवार काठमाडौंमा एक कार्यक्रमका बीच सार्वजनिक गरिएको ३ मिनेट १८ सेकेन्ड लम्बाईको कमेडी ट्रेलरमा काठमाडौंमा घर हुने र घर किन्न संघर्ष गर्ने पात्रहरुको कथालाई देखाइएको छ । ट्रेलरमा अभिनेता विपिन कार्कीलाई बढी प्राथमिकता दिइएको छ ।
नविन बोगटीको निर्देशनमा बनेको फिल्म ‘सरी मम’को बडा दशैंको अवसर पारेर शुक्रवार फर्स्टलुक पोस्टर सार्वजनिक गरिएको छ । सामाजिक कथावस्तुमा आधारित भएर निर्माण भएको फिल्मको दुई पोस्टरमध्ये एउटामा आमा र छोराबीचको सम्बन्धलाई प्रतिकात्मक रूपमा देखाइएको छ । अर्को पोस्टरमा सरोज खनाल, सरिता लामिछानेलगायतका कलाकारलाई स्थान दिइएको छ ।
साउथ सुपरस्टार प्रभास अभिनीत प्रतिक्षीत फिल्म ‘आदिपुरुष’को शुक्रवार फर्स्टलुक पोस्टर रिलिज भएको छ । पोस्टरमा प्रभास मात्र फिचर्ड छन् । उनी धनुष-बाण तान्दै भगवान् रामको अवतारमा देखिएका छन् । इन्स्टाग्राममा पोस्टर शेयर गर्दै प्रभासले क्याप्सनमा लेखेका छन्, ‘अयोध्या (उत्तर प्रदेश) सरयू नदीको तटमा एक जादुमयी यात्रा सुरु गर्नका लागि हामीसँग जोडिनुहोस् ।’
‘चुलबुल चुलबुल’ र ‘बाबरी रंग’ गीतका कारण चर्चामा रहेको सुरेन्द्र पौडेल निर्देशित फिल्म ‘बाबरी’ शुक्रवारबाट प्रदर्शनमा आएको छ । रिलिजको पूर्वसन्ध्यामा बिहीवार साँझ काठमाडौंको बिग मुभिजमा आयोजना गरिएको प्रिमियरमा फिल्मले सुखद् प्रतिक्रिया पायो । प्रिमियरमा उपस्थित अधिकांश पाहुनाले कलाकारको अभिनय, कथावस्तु, छायांकन र गीत-संगीतको प्रशंसा गरेका थिए ।
बडा दशैंको अवसर पारेर शुक्रवारबाट फिल्म ‘बाबरी’ले प्रदर्शन थालनी गरेको छ । दशैंको एक हप्ता लामो विदालाई लक्षित गरेर प्रदर्शनमा आएको फिल्मलाई बक्सअफिसमा भने दुई ठूला भारतीय फिल्म ‘विक्रम वेधा’ र ‘पिएस वान’को चुनौती छ । यी दुई फिल्मका कारण ‘बाबरी’ले चर्चाअनुरुप ठूलो संख्यामा मल्टीप्लेक्सहरुमा शोज पाउन सकेको छैन । तर, पाएको शो सुखद् छ ।
ऐतिहासिक विषयवस्तुमा आधारित भएर निर्माण भएको फिल्म ‘नालापानी’को ट्रेलर सार्वजनिक भएको छ । बिहीवार राजधानीमा एक कार्यक्रमका बीच सार्वजनिक गरिएको ट्रेलरमा नालापानी गढीमा अङ्ग्रेज सैनिकविरुद्ध नेपाली फौजले लडेको साहसिक लडाईंलाई देखाइएको छ । २ मिनेट ४१ सेकेन्ड लम्बाईको ट्रेलर कटिङ उत्कृष्ट छ । ट्रेलरमा ब्याकग्राउन्ड स्कोरको काम प्रशंसनीय छ । अंग्रेजसँगको लडाईंको क्रममा देखाईएका दृश्य वास्तविक लाग्छन् ।
