Nepal's No.1 Filmy Web Magazine
बलिउड अभिनेत्री मलाइका अरोरा एक फेसन शोमा सहभागी हुन काठमाडौं आएकी छन् । बिहीबार विहान त्रिभुवन अन्तर्राष्ट्रिय विमानस्थलमा ओर्लिएकी उनी नेपाल रत्न तथा आभूषण संघले आयोजना गर्न लागेको ‘ज्वेलरी फेसन रनवे एण्ड एक्स्पो २०२३’मा सहभागी हुन काठमाडौं आइपुगेकी हुन् । बिहीबार याक एण्ड यति होटलमा हुने रनवेमा मलाइका शो स्टपरको रुपमा रहनेछिन् ।
र्याप गायन ख्याती कमाएका भिटेन (समिर घिसिङ)ले दोस्रो पटक नेपाली फिल्मको गीतमा आवाज भरेका छन् । यसअघि फिल्म ‘सरौतो’को प्रमोसनल गीतमा स्वर दिएका उनले अब अभिनेता अनमोल केसीको मुख्य भूमिका रहेको फिल्म ‘छड्के २’का लागि गीत तयार गरेका छन् । बुधबार काठमाडौंमा एक स्टुडियोमा रेकर्डिङ गरिएको गीतमा उनकै स्वर, शब्द रचना तथा संगीत छ ।
प्रख्यात साहित्यकार विलियम शेक्सपियरले नाटक ‘रोमियो एन्ड जुलिएट’मा लेखेका थिए, ‘नाममा के छ र ?’ तर, नेपाली फिल्मको हकमा नाममै छ जे छ । नामकै लोभमा भकाभक सिक्वेल बनिरहेका छन् । फिल्मको नाम जुराउनकै लागि ज्योतिषको दैलोसम्म चहार्नेको संख्या बढ्दो छ । उस्तै उस्तै नाममा फिल्म बनिरहेका छन् । त्यसैले शेक्सपियरको भनाई नेपाली फिल्ममा लागू हुँदैन ।
शहरीया युवापुस्तामाझ उल्लेख्य फ्यान फलोइङ बनाएकी अभिनेत्री साम्राज्ञी आरएल शाह करिब तीन वर्षपछि नयाँ फिल्म लिएर दर्शकमाझ पुग्दैछिन् । यही पुष २९ गतेबाट उनी अभिनीत फिल्म ‘तिम्रो मेरो साथ’ प्रदर्शन हुँदैछ । फिल्ममा उनको अपोजिटमा अभिनेता पुष्प खड्का छन् । ‘मारुनी’पछि यो जोडीले एकसाथ स्क्रिन साझेदारी गरेकाले यो फिल्मको पखाई दर्शकमा व्यग्र छ ।
निर्विवाद छ, नेपाली फिल्मका सबैभन्दा लोकप्रिय अभिनेता हुन्, राजेश हमाल । उनलाई चिन्ने हरेक उमेर समुहका मानिस छन् । विदेशी फिल्म हेरेर हुर्किएको सम्पन्न वर्ग होस् वा देशको दूरदराजमा बस्ने विपन्न वर्ग, उनलाई नचिन्ने र नाम नसुन्ने सम्भवतः सिला खोज्दा पनि भेटिन्न । आफ्नो अग्लो पहिचान बनाएका उनको नाम नेपाली फिल्मको इतिहासबाट हटाउने हो भने अधुरो बन्न पुग्छ ।
