Nepal's No.1 Filmy Web Magazine
गत कात्तिकपछि नेपाली फिल्मको बजारमा खडेरी लागेको छ । यो बीचमा बलियो स्टारकास्ट भएका केही फिल्म प्रदर्शनमा आए पनि न गतिलो प्रतिक्रिया पाए न कमाईमा उछाल ल्याए । कात्तिकदेखि माघसम्म मात्र १० करोड बढी पानीमा मिलेको छ । माघ २० गतेबाट प्रदर्शित फिल्म ‘ह्यारी कि प्यारी’को व्यापार भने केही सुखद छ, तर लगानीको एक तिहाई पनि उठाउन असम्भव छ ।
बलिउड सुपरस्टार सलमान खानका प्रशंसक नेपालमा अगन्य छन् । उनका फिल्म प्रदर्शनमा आउँदा ‘फर्स्ट डे, फर्स्ट शो’ हेर्नेदेखि जन्मदिनसम्म धुमधामले मनाउने गर्छन् । नेपाली सेलिब्रेटीहरु समेत ‘सलमान प्रेमी’ छन् । अभिनेत्री सुष्मा कार्की त छुट्दै नछुट्ने नाम हो । आफ्नो कोठाको भित्तामा सलमानसँगको तस्विर नै प्रिन्ट गरेकी छन् उनले । उनको जन्मदिन समेत ‘सलमानमय’ बन्छ ।
यही फागुन ५ गतेबाट प्रदर्शनमा आउन लागेको ‘कबड्डी’ फेम्ड निर्देशक रामबाबु गुरुङद्वारा निर्देशित फिल्म ‘फूलबारी’को ट्रेलरमा अभिनेत्री प्रियंका कार्कीलाई खराब स्वभावकी बुहारीको रुपमा प्रस्तुत गरिएको छ । उनले सासु-सुसराप्रति गरेको व्यवहार अत्यन्त अस्वभनीय र निन्दनीय देखिन्छ । तर, आफूले निर्वाह गरेको भूमिकामा कतिले अपनत्व महसूस पनि गर्न सक्ने उनको विश्वास छ ।
आगामी बैशाख १ गते अर्थात् नयाँ वर्षबाट प्रदर्शनमा आउन लागेको ‘कबड्डी’ समुहको फिल्म ‘जारी’को टिजर सार्वजनिक भएको छ । मंगलवार युट्युबमा सार्वजनिक गरिएको टिजरमा लिम्बु समुदायको परम्परा, संस्कृति, भेषभूषा र परिवेशलाई प्रस्तुत गरिएको छ । लिम्बु समुदायमा गाइने ‘पालाम’लाई कथावाचनको रुपमा प्रयोग गरिएको टिजरमा एक लिम्बु दाम्पतीको कथा भनिएको छ ।
अभिनेत्री मिथिला शर्माको मुख्य भूमिका रहेको फिल्म ‘बाटो’को छायांकन ८ महिनामा सकिएको छ । गत वर्षको जेठ २९ गतेबाट छायांकन सुरु भएको फिल्मको यही फागुन १ गते सोमबार अन्तिम दृश्य खिचियो । विभिन्न प्राविधिक कारणले नियमित छायांकन नहुँदा फिल्म ‘प्याकअप’ हुन ८ महिना लागेको हो । फिल्मको अन्तिम दृश्य काठमाडौंको कालोपुलस्थित एक घरमा कैद गरियो ।
आगामी चैत ३ गतेबाट प्रदर्शनमा आउन लागेको फिल्म ‘हुक्का’को रोमान्टिक पोस्टर सार्वजनिक भएको छ । ‘भ्यालेन्टाइन डे’को अवसरमा मंगलवार सार्वजनिक गरिएको पोस्टरमा फिल्मका प्रमुख कलाकार तेज गिरी र अशु न्यौपाने प्रेमिल भावमा प्रस्तुत छन् । पोस्टरले फिल्ममा उनीहरु श्रीमान्-श्रीमतीको भूमिकामा रहेको बुझाउँछ । किनकि, अशुको सिउँदोमा सिन्दूर र गलामा पोते छ ।
