Nepal's No.1 Filmy Web Magazine
नेपाली रोड थ्रिलर फिल्म ‘बाटो : रोड टु डेथ’को ट्रेलर सार्वजनिक गरिएको छ । साउथ फिल्मको शैलीमा तयार पारिएको ट्रेलरमा साइकोटिक कल्ट ग्याङलाई भयानक खलनायकको रुपमा देखाइएको छ । चिकित्सा पेशामा आबद्ध एउटी युवतीले भोग्नुपरेको भयानक घटनामा फिल्मको कथा केन्द्रित रहेको ट्रेलरबाट बुझ्न सकिन्छ । २ मिनेट ५० सेकेन्ड लम्बाईको ट्रेलर बुलन्द बनेको छ ।
प्रदीप शाहीको निर्देशनमा बनेको फिल्म ‘अन्तिम संस्कार’को प्रदर्शन मिति घोषणा गरिएको छ । शुक्रबार एक पोस्टर सार्वजनिक गर्दै आगामी असार ८ गतेलाई प्रदर्शन मिति घोषणा गरिएको हो । पोस्टरमा फिल्मका मुख्य कलाकारहरु विजय लामा, दीया पुन, रेश्मा घिमिरेलगायत प्रस्तुत छन् । रेश्मा डेब्यू फिल्म ‘यो साइनो मायाको’ रिलिजको करिब ५ वर्षपछि फिल्ममा फर्किएकी हुन् ।
नेपालमा सबैभन्दा बढी सिरिज निर्माण हुने फिल्ममा पर्छ, ‘नाईं नभन्नू ल’ । यसको छैटौं सिरिज शुक्रबारबाट सार्वजनिक प्रदर्शनमा आएको छ । हरेक श्रृंखला घरेलू बक्सअफिसमा सफल भैरहेको कारणले गर्दा पनि निर्देशक विकासराज आचार्य पैसा फल्ने बोट तत्काल मास्ने पक्षमा देखिएका छैनन् । निर्देशक आचार्यले ‘नाईं नभन्नू ल ६’बाट सातौं श्रृंखला पनि निर्माण हुने संकेत गरेका छन् ।
शुक्रबारबाट सार्वजनिक प्रदर्शनमा उत्रिएको फिल्म ‘कैदीको पत्र’ले विशेष शोमा सुखद प्रतिक्रिया प्राप्त गरेको छ । रिलिजकै दिन फिल्मकर्मी र सञ्चारकर्मीका लागि काठमाडौंको सुनधारास्थित सिडिसी सिनेमाज्मा आयोजना गरिएको शोमा ब्रिटिश तथा नयाँ नेपाली कलाकारहरुको अभिनय, स्कटल्याण्डका मनोरम दृश्यहरुसँगै फिल्मको कथा, छायांकन र प्रस्तुतीको प्रशंसा भएको हो ।
यस वर्षको सुरुवात नै नेपाली फिल्मबीचको भिडन्तबाट भएको थियो । बैशाख १ गते ‘जारी’, ‘बिहे पास’ र ‘बुलाकी’ रिलिज भएका थिए । यो भिडन्तमा ‘जारी’ व्यापार र प्रतिक्रिया दुवैमा अब्बल निस्कियो । एक हप्ता सलमान खानको फिल्मलाई छाडेपछि फेरि यो हप्ताको शुक्रबारबाट तीन नेपाली फिल्म ‘कैदीको पत्र’, ‘नाइँ नभन्नू ल ६’ र ‘प्रसाद २’ एकसाथ सार्वजनिक प्रदर्शनमा आएका छन् ।
बैशाख १ गते सार्वजनिक गरिएको फिल्म ‘नम्बरी सुन’को पहिलो पोस्टरलाई चोरीको बात लाग्यो । बलिउडको माइलस्टोन फिल्म ‘दिलवाले दुल्हनिया ले जायेंगे’को एउटा पोस्टरबाट हुबहु नक्कल गरेर बनाइएको पोस्टरमा अभिनेता गौरव पहारीलाई शाहरुख खान र अभिनेत्री नम्रता सापकोटालाई काजोलको रुपमा प्रस्तुत गरिएको थियो । यसले टिमको सिर्जनशीलतामाथि नै प्रश्न उठायो ।
