Nepal's No.1 Filmy Web Magazine
आगामी चैत १७ गतेबाट प्रदर्शन हुन लागेको फिल्म ‘प्रेमा’को पहिलो गीत सार्वजनिक भएको छ । ‘मन मनमा’ बोलको रोमान्टिक गीतमा रिकेश गुरुङ र सुबानी मोक्तानको युगल स्वर, अनिल शर्मा र सुशान्त गौतमको शब्द रचना तथा सुशान्त स्वयंको संगीत छ । भिडियोमा शुभेक्क्षा खड्का र अरुण क्षेत्रीबीच प्रेम अंकुराएको देखाइएको छ । शुभेक्क्षा सोझी युवतीको रुपमा चित्रित छिन् ।
यस वर्षको प्रतिक्षीत फिल्ममध्ये एक ‘छक्का पञ्जा ४’को ट्रेलर सार्वजनिक भएको छ । फागुन १९ गतेबाट प्रदर्शनमा आउन लागेको फिल्मको शुक्रबार सार्वजनिक ३ मिनेट २० सेकेन्डको ट्रेलरमा राजनीतिक विकृतिलाई प्रस्तुत गरिएको छ । पिताको राजनीतिक विरासत जोगाउन राजनीतिमा होमिएका दीपकराज गिरी (राजा) लाई खराब स्वभाव र शैलीको नेताको रुपमा चित्रण गरिएको छ ।
भर्सटायल अभिनेत्रीको रुपमा चिनिएकी सुरक्षा पन्त विवाह बन्धनमा बाँधिने भएकी छन् । उनले यही फागुन २५ गते प्रेमी मानव सुवेदीसँग लगनगाँठो कस्न लागेकी हुन् । मानव गायक, निर्देशक तथा अभिनेता हुन् । चितवनमा हुन लागेको विवाहमा दुई पक्षका परिवारका सदस्यहरुको मात्र उपस्थिति रहेको जानकारी प्राप्त छ । उनीहरुले केही म्यूजिक भिडियोमा सहकार्य गरिसकेका छन् ।
‘कबड्डी’ श्रृंखलाका निर्देशक रामबाबु गुरुङ निर्देशित फिल्म ‘फूलबारी’ शुक्रबारबाट प्रदर्शनमा आएको छ । रिलिजको पूर्वसन्ध्यामा बिहीबार काठमाडौंमा गरिएको प्रिमियरमा फिल्मले सानदार प्रतिक्रिया पाएको छ । फिल्म हेर्न उत्तिधेरै फिल्मकर्मीहरु नपुगेका भए पनि जति उपस्थिति भएका थिए, उनीहरुले हरेक पक्षको प्रशंसामा शब्द खर्चिए । प्रायःको आँखामा आँशु छल्किएको थियो ।
शुक्रबारबाट प्रदर्शनमा आएको फिल्म ‘फूलबारी’को बिहीबार कमलपोखरीस्थित बिग मुभिजमा प्रिमियर आयोजना गरिएको थियो । फिल्मको नामअनुसार हलको प्रवेशद्वार रेडिमेड फूलले झकिझकाउ बनाइएको थियो भने तस्बिर खिच्नका लागि तयार पारिएको एक सेटमा सयपत्री फूलले फिल्मको नाम बनाइएको थियो । जसले गर्दा प्रिमियरको माहोल रोमान्चक र आकर्षक बनेको थियो ।
