Nepal's No.1 Filmy Web Magazine
नवल खड्काद्वारा निर्देशित, निर्मित तथा अभिनीत फिल्म ‘काँडेतार’ यस वर्षको महाशिवरात्रीको दिनबाट प्रदर्शनमा आउने भएको छ । अभिनेता खड्काले आइतबार आफ्नो जन्मदिनको अवसर पारेर एक पोस्टरमार्फत् आगामी फागुन २५ गतेलाई फिल्मको प्रदर्शन मिति घोषणा गरेका हुन् । २५ गते शिवरात्रीको सार्वजनिक विदा र शुक्रबार पनि परेकाले नवलले उक्त मिति रोजेका हुन् ।
महान् हिन्दू धर्म ग्रन्थ रामायणमा आधारित भएर निर्माण भएको भारतीय फिल्म ‘आदिपुरुष’ प्रदर्शनभन्दा अगावैदेखि विभिन्न कारणले विवादित र आलोचित थियो । प्रदर्शनपछि विवादले थप उग्र रुप लिएको छ । फिल्ममा समावेश संवादको भाषा र पात्रको भेषभुषालाई लिएर भारतमा व्यापक विरोध भैरहेको छ भने सीतासम्बन्धी एक संवादका कारण नेपालमा फिल्म प्रतिबन्धको आवाज उठिरहेको छ ।
बलिउडकै माइलस्टोन फिल्म मानिने ‘लगान’ रिलिजको २२ वर्ष पूरा भैसकेको छ । आशुतोष गोवारिकर निर्देशित फिल्म १५ जून २००१ मा रिलिज भएको थियो । त्यसबेला फिल्मले भारतमा मात्रै ३४ करोड कमाएको थियो । कयौं हिसाबमा यो फिल्मले इतिहास रचेको छ । फिल्ममा अभिनेता आमिर खान मुख्य भूमिकामा थिए । यही फिल्मले उनलाई करिअरमा नयाँ उचाइँ दिलाएको थियो ।
रोमान्टिक भूमिकामा रुचाइएकी अभिनेत्री पूजा शर्मा पहिलो पटक एक्सन भूमिकामा प्रस्तुत हुने भएकी छन् । रुपेश तामाङको निर्देशनमा बन्न लागेको ‘दान्भी’ शीर्षकको फिल्ममा उनी एक्सन लेडी बन्न लागेकी हुन् । फिल्मको घोषणा गर्दै शुक्रबार सार्वजनिक गरिएको तीनवटा पोस्टरमा उनलाई रोमान्टिक र एक्सन मूडमा देख्न सकिन्छ । पोस्टरमा उनी पेस्तोलसहित पनि देखिएकी छन् ।
राजु गिरी निर्देशित फिल्म ‘नम्बरी सुन’को टिजर सार्वजनिक भएको छ । सुनको इतिहासमाथि निर्माण भएको फिल्मको टिजर भने अभिनेता गौरव पहारी र नम्रता सापकोटाको प्रेम सम्बन्धमा आउने उतार-चढावमा केन्द्रित छ । कमेडी र एक्सनलाई प्राथमिकता दिइएको टिजरमा किरण नेपाली भिलेनको भूमिकामा प्रस्तुत छन् भने सरोज खनाल गाउँको मुखियाको भूमिकामा देखिएका छन् ।
अभिनेत्रीद्वय स्वस्तिमा खड्का र वर्षा राउत अभिनीत नयाँ फिल्म ‘ऐँचो पैँचो’ जनै पूर्णिमाको अवसर पारेर आगामी भदौ १४ गतेबाट प्रदर्शनमा आउने भएको छ । शुक्रबार निर्देशक तथा निर्मात्री कृषा चौलागाईँ र आरआर फिल्म्सबीच वितरण सम्बन्धी सम्झौतामा हस्ताक्षर भएपछि फिल्मको प्रदर्शन मिति घोषणा गरिएको हो । यो मितिमा फिल्म ‘गणपति’ पनि प्रदर्शनमा आउने तयारीमा छ ।
