Nepal's No.1 Filmy Web Magazine
राजु गिरीको निर्देशनमा बनेको फिल्म ‘नम्बरी सुन’ आगामी भदौ १ गतेबाट प्रदर्शनमा आउने भएको छ । नयाँ वर्षको अवसर पारेर शुक्रबार प्रदर्शन मिति घोषणा गर्दै सार्वजनिक गरिएको पोस्टरमा अभिनेता गौरव पहारी बेहुलीको पहिरनमा रहेकी अभिनेत्री नम्रता श्रेष्ठलाई आफ्नो काँधको बोकेको अवस्थामा चित्रित छन् । फिल्म विवाहको कथामा केन्द्रित रहेको हुनसक्ने पोस्टरले संकेत गर्छ ।
आज नेपाली नयाँ वर्ष । २०८० को दशकको पहिलो दिन । नयाँ वर्षलाई नयाँ आशा, हौसला र उमंगको उत्सवको रुपमा मनाइन्छ । यही विशेष दिनको अवसर पारेर शुक्रबारबाट तीन फिल्म ‘बुलाकी’, ‘बिहे पास’ र ‘जारी’ हलको पर्दामा लागेका छन् । यसमध्ये दुई फिल्म ‘बिहे पास’ र ‘जारी’ अभिनेता दयाहाङ राईका हुन् । करिअरमै पहिलो पटक उनका दुई फिल्म एकसाथ भिडेका हुन् ।
केही वर्षयता नेपाली फिल्मका स्टार कलाकारहरुले बुझ्ने पारिश्रमिक बहसको विषय बनिरहेको छ । उनीहरुले महंगो पारिश्रमिक लिँदा फिल्मको निर्माण लागत अचाक्ली बढेको तर व्यापार नबढेको गुनासो धेरै निर्माताको छ । फिल्मको लागत बढ्नबाट रोक्न र निर्मातालाई बचाउनका लागि अबदेखि स्टार कलाकारहरु सेयरमा बस्नुपर्ने निर्माता संघका अध्यक्ष नवल खड्काले बताएका छन् ।
कर्णालीमा प्रचलनमा रहेको जारी प्रथामा निर्माण भएको फिल्म ‘बुलाकी’लाई राजनीतिज्ञ, फिल्मकर्मी तथा रंग पत्रकारले रुचाएका छन् । बुधबार साँझ काठमाडौंको बिग मुभिजमा आयोजित स्पेशल शोमा फिल्मको कथावस्तु, प्रस्तुतिकरण, कलाकारको अभिनय र छायांकन पक्षको प्रशंसा भएको हो । विशेषगरि, अभिनेत्री सुरक्षा पन्त र अभिनेता नरेन खड्काको अभिनयको वाहवाही भयो ।
निश्चल बस्नेतले निर्देशनमा कमब्याक गर्न लागेको फिल्म ‘दिमाग खराब’ आगामी वर्षको तिहारमा प्रदर्शन हुने भएको छ । निश्चलले बिहीबार निर्देशक मनोज पण्डितसँगको एक तस्बिर फेसबुकमा सेअर गर्दै फिल्म आगामी कात्तिक २४ गते प्रदर्शन हुने घोषणा गरेका हुन् । कात्तिक २५ गतेदेखि ३० गतेसम्म तिहारको विदा भएकाले निश्चलले फिल्म प्रदर्शनका लागि उक्त मिति रोजेका हुन् ।
