Nepal's No.1 Filmy Web Magazine
टेक पौरखी राईले निर्देशन गरेको फिल्म ‘जय हो’को ३० दिनमा सम्पूर्ण छायांकन सकिएको छ । मुस्ताङस्थित मुक्तिनाथ मन्दिरमा अन्तिम दृश्य कैद गर्दै शनिबार फिल्मको छायांकन सकिएको प्रस्तुतकर्ता शोभित बस्नेतले जानकारी दिए । फिल्मको पोखरा तथा मुस्ताङको विभिन्न ठाउँमा समेत छायांकन गरिएको थियो । अब पोस्ट प्रोडक्सनको कामलाई तिव्रता दिइने बस्नेतले बताएका छन् ।
केही वर्षयता सामाजिक सञ्जाल नेपाली फिल्मको प्रचारका लागि जति सशक्त माध्यम बनेको छ, त्यति नै टाउको दुखाईको विषय पनि बनिरहेको छ । छायांकन र प्रदर्शनको बेला क्लिप्स खिचेर सामाजिक सञ्जालमा हालिदिँदा निर्माताले ठूलो आर्थिक क्षति बेहोर्नु परेको छ । यतिबेला फिल्म ‘जारी’ले यही अवस्था भोगिरहेको छ । फिल्मका क्लिप्सहरु टिकटक तथा युट्युबमा छ्यापछ्याप्ती छ ।
नयाँ वर्षको अवसर पारेर बैशाख १ गतेबाट तीन फिल्म ‘बुलाकी’, ‘जारी’ र ‘बिहे पास’ एकसाथ प्रदर्शनमा आए । यसमध्ये ‘जारी’ले मल्टीप्लेक्सहरुमा उच्च शोज पायो । एड्भान्स बुकिङ नै आक्रामक भयो । यतिबेला देशभरका हलहरु ‘जारी’मय छ । दर्शकहरु थामिनसक्नु भएपछि आइतबारबाट मल्टीप्लेक्सहरुले फिल्मको शोज बढाएका छन् । र, ‘बुलाकी’को धेरै शोज कटौती भएको छ ।
काँडेतारलाई सीमा तहलेदारको रुपमा परिभाषित गरेर फिल्म ‘काँडेतार’को पहिलो गीत सार्वजनिक गरिएको छ । शनिबार रिलिज गरिएको शीर्ष गीतमा सत्यकला राई, राजेशपायल राई र जे पापीको स्वर छ भने मणी थापाको संगीत र मिलन कान्छा किरातीको शब्द छ । यो गीतले देशको भूगोल र सार्वभौमसत्ता रक्षाका लागि नेपाल-भारत सीमामा काँडेतार लगाउनुपर्ने मुद्धा उठाएको छ ।
नयाँ वर्षको अवसर पारेर शुक्रबारबाट प्रदर्शनमा आएको फिल्म ‘बुलाकी’लाई निर्माता विराज विष्टले हलबाट उतार्ने घोषणा गरेका छन् । प्रदर्शनको दोस्रो दिनबाटै देशभरका मल्टीप्लेक्सहरुमा ७० प्रतिशत शोज कटौती गरिएको, कुबेला (अफटाइम) शोज दिइएको, मोफसलका मुख्य स्टेशनमा एउटै शो नदिएको आदि कारण देखाउँदै निर्माता विष्टले फिल्म उतार्ने घोषणा गरेका हुन् ।
विदेशी फिल्मको कथादेखि पोस्टरसम्म नक्कल गर्न नेपाली फिल्मकर्मीहरु सबैभन्दा सिपालु छन् । कहिले विदेशी फिल्मको सिंगो कथा नै उठाएर फिल्म बनाइदिन्छन् त कहिले विदेशी फिल्मको पोस्टरमा नेपाली कलाकारको अनुहार टाँसिदिन्छन् । तर, हरेक पटकको चोरी समातिँदै आएको छ । किनकि, डिजिटल युगका दर्शक नेपाली फिल्मकर्मीभन्दा हजार गुणा चलाख र चतुर छन् ।
