Nepal's No.1 Filmy Web Magazine
सत्यराज चौलागाईंद्वारा निर्देशित फिल्म ‘बिच्छेद’ आगामी मंसिर ८ गतेबाट प्रदर्शनमा आउने भएको छ । प्रदर्शन मिति उल्लेख गर्दै शनिबार सार्वजनिक गरिएको एउटा पोस्टरमा फिल्मका प्रमुख दुई कलाकारहरु मुकुन भुषाल र लक्ष्मी बर्देवा फिचर्ड छन् । तर, उनीहरुको अनुहार देखाइएको छैन । कहीँ डाँडामा बसेर सेता हिमाल हेर्दै कुराकानी गरिरहेको अवस्थामा उनीहरु चित्रित छन् ।
उपेन्द्र सुब्बा निर्देशित फिल्म ‘जारी’ले घरेलू बक्सअफिसमा बम्पर सुरुवात गरेको छ । एड्भान्स बुकिङमै आक्रामक ओपनिङको संकेत गरेको फिल्मले पहिलो दिन २ करोड १ लाख कमाएको वितरक कम्पनी ‘द टी फल्क्स फिल्म्स’ले जानकारी गराएको छ । शुक्रबार फिल्मको देशभरका हलमा शतप्रतिशत अकुपेन्सी रहेको थियो । शनिबारको व्यापार थप आक्रामक हुने देखिएको छ ।
नयाँ वर्षको अवसर पारेर शुक्रबारबाट प्रदर्शन थालनी गरेको फिल्म ‘बुलाकी’लाई मल्टीप्लेक्सहरुले शोज बाँडफाँडमा ठूलो अन्याय गरेका छन् । शुक्रबारबाटै प्रदर्शनमा आएका अन्य दुई फिल्मलाई उल्लेख्य शो प्रदान गरिँदा ‘बुलाकी’लाई झारो टार्नका लागि मात्र शोज दिइएको देखिन्छ । हुन त हल व्यावसायीहरुले कसैलाई काखा र कसैलाई पाखाको व्यवहार गरेको यो पहिलो पटक होइन ।
नेपालको ओटीटी प्लेटफर्म सिनेमाघर एपमा रिलिज भएको फिल्म ‘कबड्डी ४’ सुपरहिट भएपछि यो एपप्रति आकर्षण बढेको छ । यसैक्रममा, नयाँ वर्षको अवसर पारेर शुक्रबारबाट फिल्म ‘प्रेमगन्ज’ पनि उक्त एपमा रिलिज भएको छ । मोबाइल, ट्याब्लोइड एप तथा टेलिभिजन आदि स्मार्ट डिभाइसहरुमा सःशुल्क फिल्म विश्वभरबाट हेर्न सकिने एपका सीइओ सागर खरेलले जानकारी दिए ।
कोरियोग्राफर रेनाशा राई राणाद्वारा निर्देशित डान्स ड्रामा फिल्म ‘ज्याकी : आई एम ट्वान्टी वान’को ट्रेलर सार्वजनिक गरिएको छ । नयाँ वर्षको अवसर पारेर शुक्रबार काठमाडौंमा एक कार्यक्रमका बीच सार्वजनिक गरिएको ट्रेलरमा अभिनेता धिरज मगर र अभिनेत्री जसिता गुरुङले सफल डान्सर बन्न गरेको संघर्षलाई देखाइएको छ । उनीहरुले नृत्यमा गरेको मिहिनेत ट्रेलरमा देखिन्छ ।
दुई वर्षदेखि युद्ध बानियाँको प्रेममा रहेकी अभिनेत्री पूजा शर्मा यस वर्ष विवाह बन्धनमा बाँधिने भएकी छन् । नयाँ वर्षको अवसरमा सुनधारास्थित काठमाडौं मलमा रहेको फेसियल हाउसले तयार पारेको क्यालेन्डर सार्वजनिक कार्यक्रममा उनले यस वर्ष आफू विवाह बन्धनमा बाँधिन लागेको बताएकी हुन् । यस वर्ष आफूले नयाँ व्यावसाय समेत सुरु गर्न लागेको पूजाले जानकारी गराइन् ।
