Nepal's No.1 Filmy Web Magazine

निश्चल बस्नेतले निर्देशनमा कमब्याक गर्न लागेको फिल्म ‘दिमाग खराब’मा मुख्य कलाकारको लाइनअप पूरा भएको छ । निर्देशक बस्नेतले सोमबार सार्वजनिक गरेको फिल्मको पोस्टरमा खगेन्द्र लामिछाने, स्वस्तिमा खड्का, दयाहाङ राई, अर्पण थापा र विजय बरालको नाम उल्लेख छ । फिल्ममा सौगात मल्लको पनि अभिनय रहने चर्चा थियो । तर, अब उनको ‘च्याप्टर क्लोज’ भएको छ ।

आगामी जेठ ५ गतेबाट प्रदर्शनमा आउन लागेको फिल्म ‘ए साथी सुन’को ‘मनले भन्छ’ बोलको गीत सोमबार युट्युबमा सार्वजनिक गरिएको छ । गीतमा हर्क साउदको शब्द रचना तथा उज्वल सागरको संगीत र स्वर रहेको छ । लिरिकल गीतमा फिल्मका मुख्य अभिनेता रमेश बानियाँ र अभिनेत्री वर्षा सिवाकोटी प्रस्तुत छन् । उनीहरुको प्रेम र वियोगको दुईवटा पाटो गीतमा देखाइएको छ ।

नेपाली फिल्म क्षेत्रमा सर्वाधिक रुचाइएको जोडी हो, पल शाह र आँचल शर्मा । पहिलो पटक फिल्म ‘नाईं नभन्नू ल ४’मा एकसाथ काम गरेका उनीहरुले त्यसपछि फिल्मसँगै म्यूजिक भिडियोमा लामो समय सहकार्य गरे । जोडी रुचाइनु र सहकार्य पनि निरन्तर हुँदा उनीहरुको सम्बन्धलाई लिएर व्यापक चर्चा पनि भयो । तर, दुवैले यसको खण्डन गर्दै असल मित्रताको मात्र सम्बन्ध दर्शाए ।

बलिउड सुपरस्टार आमिर खानले केही वर्षअघि एक अन्तर्वार्तामा भनेका थिए, ‘सलमान खानले सर्टको पछाडि चस्मा झुन्ड्याएको भरमा उनको फिल्मले सय करोड कमाउँछ । त्यो हो स्टारडम ।’ हुन पनि सलमानको स्टारडमले फिल्म कमजोर बनेको भए पनि डिजास्टर हुन दिँदैन । उनको नामैले फिल्म चल्छ । यसैले भन्ने गरिन्छ, ‘फिल्म कि सलमान भरोसाले चल्छ कि भगवान् भरोसाले ।’

चलचित्र पत्रकार संघ नेपाल (एफजेए)को २४औं वार्षिकत्सवको अवसरमा सात जना चलचित्र पत्रकारहरु सम्मानित तथा पुरस्कृत हुने भएका छन् । आइतबार काठमाडौंमा बसेको संघको कार्यसमिति बैठकले आगामी जेठ ७ गते शातिप्रिय, तुलसी गिरी, श्रीराम सिग्देल, कुबेर डंगोल, दीपज्योति थापा, सृष्टि पोखरेल र रवि अधिकारीलाई सम्मान तथा पुरस्कार प्रदान गर्ने निर्णय गरेको हो ।