Nepal's No.1 Filmy Web Magazine
यही असार २९ गतेबाट प्रदर्शनमा आउन लागेको फिल्म ‘बगान’को आइतबार नयाँ गीत सार्वजनिक गरिएको छ । ‘न वारमा छु, न पारमा छु’ बोलको स्याड भर्सनको गीतमा सुरेश वाग्लेको शब्द रचना, हरी लम्सालको संगीत तथा अञ्जु पन्तको स्वर छ । गीतमा अभिनेत्री करिश्मा मानन्धरलाई विशेष प्राथमिकता दिइएको छ । यस गीतले एकल महिलाको मनोभावलाई दर्शाउन खोजेको छ ।
अहिले देशमा दुई ठाउँका मेयर सर्वाधिक चर्चामा छन् । उनीहरु हुन्, काठमाडौं महानगरका मेयर बालेन शाह (बालेन्द्र) र धरान उपमहानगरका मेयर हर्क सम्पाङ । यी दुई मेयरको चर्चाबीच निर्देशक राजु गिरीले फिल्म ‘मेयर साहेब’ बनाउने भएका छन् । फिल्म कुनै मेयरको जीवनमा आधारित नभए पनि बालेन र हर्कले गरेको कामलाई नै पर्दामा उतार्ने तयारी भैरहेको बुझिएको छ ।
करिब ६० वर्षअघिको ढाक्रे जीवनशैलीमा आधारित रहेको फिल्म ‘ए ढाक्रे दाई’ आगामी साउन ५ गतेबाट प्रदर्शनमा आउने भएको छ । शुक्रबार पोस्टर सार्वजनिक गर्दै प्रदर्शन मिति घोषणा गरिएको हो । फिल्मले नेपालको तत्कालिन ग्रामीण जीवनलाई जीवन्त रुपमा प्रस्तुत गरेको र त्यो अहिलेको युवापुस्ताले बुझ्न आवश्यक रहेको निर्देशक तथा निर्माता निरंजन कसजू (माइला)ले बताए ।
असार १५ गतेबाट प्रदर्शन हुन लागेको फिल्म ‘परस्त्री’लाई केन्द्रीय चलचित्र जाँच समिति (सेन्सर बोर्ड)ले प्रदर्शनका लागि अनुमति दिएको छ । गत बुधबार सेन्सर बोर्डले फिल्ममा समावेश बेडसिन, चुम्बन तथा हिंसाको दृश्यमा आपत्ति जनाउँदै प्रदर्शन अनुमति दिएको थिएन । बोर्डले आपत्ति जनाएको दृश्य मेकरले परिमार्जित गरेपश्चात् शुक्रबार फिल्मले जाँचपासको प्रमाणपत्र पाएको हो ।
टेक पौरखी राईको निर्देशन रहेको फिल्म ‘जय हो’को टिजर सार्वजनिक गरिएको छ । १ मिनेट १० सेकेन्डको टिजरमा प्रेम, मित्रता र द्वन्द्वलाई समेटिएको छ । विशेषगरी अभिनेत्री केकी अधिकारी र अभिनेता सलोन बस्नेतको प्रेममा आउने उतार-चढावमा टिजर केन्द्रित छ । माओत्से गुरुङ र निशा अधिकारी जोडीको रुपमा प्रस्तुत टिजरमा अर्पण थापा र सलोनबीच द्वन्द्वात्मक दृश्य पनि छ ।
आगामी असार १५ गतेबाट प्रदर्शनमा आउने तयारीमा रहेको फिल्म ‘परस्त्री’को लिरिकल भिडियो गीत सार्वजनिक गरिएको छ । ‘जीवन भनेको’ बोलको क्लब गीतमा केतन क्षेत्रीको स्वर, केके ब्रोदर्सको कम्पोज तथा शब्द रचना छ । फिल्मकी मुख्य पात्र आभ्या (शिल्पा मास्के)को जन्मदिनको सेटअपमा तयार पारिएको गीतले फिल्मको कथालाई पनि प्रस्ट्याएको निर्माण टिमको भनाई छ ।
