Nepal's No.1 Filmy Web Magazine
घनश्याम लामिछानेको निर्देशनमा बनेको फिल्म ‘चित्रा’को कथासार बुझाउने उद्देश्यसहित ‘क्यारेक्टर’ पोस्टर सार्वजनिक गरिएको छ । मंगलबार सार्वजनिक तीनवटा पोस्टरमा सम्बन्ध र द्वन्द्वको मिश्रण छ । एउटा पोस्टरमा बाबुछोरीको सम्बन्ध दर्शाइएको छ भने दोस्रो पोस्टरमा तीन पुरुष पात्र ‘इन्टेन्स लुक’मा प्रस्तुत छन् । तेस्रो पोस्टरले तीन महिला पात्रको मनोदशा र परिस्थिति बोलेको छ ।
फिल्म ‘प्रेमगीत ३’ हिन्दीमा स्वरांकन भएर भारतमा समेत प्रदर्शन भएपछि अभिनेता प्रदीप खड्का लागि बलिउड प्रवेशको ढोका खुलेको थियो । अब उनले हिन्दी भाषामा बन्न लागेको फिल्म ‘ऐरी’मा मुख्य भूमिकामा अभिनय गर्ने भएका छन् । मंगलबार मोसन पोस्टर र टिजरमार्फत् यो फिल्मको घोषणा गरिएको हो । टिजरमा प्रदीपलाई ऐरी अर्थात् सिकारी अवतारमा प्रस्तुत गरिएको छ ।
यही मंसिर २९ गतेबाट प्रदर्शनमा आउने तयारीमा रहेको फिल्म ‘दुई कदम’को डान्सिङ शैलीको गीत सार्वजनिक गरिएको छ । ‘ए मेरा बाबै नि’ बोलको गीतमा फिल्मका मुख्य अभिनेता इओन लिम्बु र अभिनेत्री वर्षा सिवाकोटीले छरितो नृत्य प्रस्तुत गरेका छन् । क्लबमा खिचिएको गीतको अडियो तथा भिडियो आकर्षक छ । यो गीतले फिल्मको हाइप निर्माण गर्न ठूलो सहयोग गर्ने देखिन्छ ।
१२ वर्षपछि निर्देशनमा फर्किन लागेका शंकर घिमिरेले आफ्नो नयाँ फिल्म ‘तेल भिसा’मा कलाकारको ‘लाइनअप’ पूरा गरेका छन् । अभिनेता विपिन कार्कीलाई अनुबन्धित गर्दै फिल्म निर्माणको घोषणा गरेका उनले वर्षा राउत, गौरी मल्ल, ऋचा घिमिरे र बुद्धि तामाङसँग पनि कागजी सम्झौता गरेका छन् । अमेरिकामा रहँदै आएकी ऋचाले यही फिल्मबाट १० वर्षपछि कमब्याक गर्दैछिन् ।
नेपाली फिल्मका लागि हलिउडभन्दा ठूलो चुनौती बलिउड हो । भाषाको सहजताले गर्दा बलिउड फिल्मको नेपालमा उच्च प्रभाव छ । यसैले नेपाली निर्माताहरु बलिउडको ठूलो फिल्म आउँदा सकभर जोखिम मोल्न चाहँदैनन् । तर, यसपालिको दशैं र तिहारमा बलिउड र साउथ फिल्ममाथि नेपाली फिल्म हाबी भए । यसले नेपाली फिल्मप्रति दर्शकको बढ्दो विश्वास र आकर्षण दर्शाउँछ ।
