Nepal's No.1 Filmy Web Magazine
फिल्म ‘होस्टेल रिर्टन्स’ (२०१५)बाट सम्भावना बोकेको अभिनेताको रुपमा सुशील श्रेष्ठको उदय भएको थियो । लुक्सका कारण यही फिल्मबाट उनको राम्रो क्रेज बन्यो । तर, यसपछि फिल्मको श्रृंखलाबद्ध असफलताले उनको करिअर अपेक्षित रुपमा अगाडि बढ्न सकेन । यतिबेला उनलाई एउटा ‘हिट’ फिल्मको खाँचो छ । र, अब उनलाई आशा भनेकै फिल्म ‘आउट ल : दफा २१९’ प्रति छ ।
गत वर्ष आएको फिल्म ‘चित्रा’का अभिनेता तथा निर्माता सन्तोष अधिकारीले अब ‘तैँ चुप् मैँ चुप्’ नाममा फिल्म बनाउने भएका छन् । बुधबार आफ्नो जन्मदिनको अवसर पारेर उनले फिल्म निर्माणको घोषणा गरेका हुन् । फिल्मलाई घनश्याम लामिछानेले निर्देशन गर्नेछन् । यसअघि घनश्याम र सन्तोषले ‘चित्रा’मा समेत सहकार्य गरेका थिए । फिल्ममा मनिष गौतमको स्क्रिप्ट लेखन रहेको छ ।
भारतकी प्रख्यात कमेडियन भारती सिंह र उनका श्रीमान् हर्ष लिम्बाचियाले सञ्चालन गर्दै आइरहेको ‘लोल पोडकास्ट’को यतिबेला नेपालमा समेत चर्चा भइरहेको छ । यसको मुख्य कारण बलिउड अभिनेता रोहित सरफ हुन् । यतिबेला बलिउडमा सशक्त रुपमा उदाइरहेका उनले भारती र हर्षको पोडकास्टमा आफूलाई नेपालीको रुपमा चिनिएका छन् । यसले धेरैलाई आश्चर्य तुल्याएको छ ।
मिलन चाम्सको निर्देशनमा तयार भएको फिल्म ‘वर एन्ड वधु’ले प्रदर्शन मिति ‘बुक’ गरेको छ । बुधबार एक पोस्टर सार्वजनिक गर्दै आगामी भदौ १४ गतेलाई प्रदर्शन मिति घोषणा गरिएको हो । अहिलेसम्मको अवस्था हेर्दा फिल्मले सोलो रिलिज पाउने सम्भावना देखिन्छ । किनकि, उक्त मिति अरु फिल्मले रोजिसकेका छैनन् । यो फिल्मले तीजलाई लक्षित गरेर प्रदर्शन मिति तय गरेको हो ।
अभिनेत्री नीता ढुंगानाले श्रीमान् तथा अभिनेता हरिहर अधिकारीसँग मिलेर निर्माण गरेको फिल्म ‘ह्रस्व दीर्घ’मा नेपालीसँगै भारतीय फिल्मका नामुद कलाकारहरुको अभिनय छ । ब्रह्मानन्दम, ‘गजनी’ भिलेन प्रदीप रावत, ‘पुष्पा’ भिलेन सुनील वर्मा, अली, कबीर दुहन सिंह जस्ता साउथका लोकप्रिय कलाकारहरु फिल्ममा देखिँदैछन् । जसले गर्दा भारतीय बजारमा समेत फिल्मको चर्चा छ ।
नेपाली फिल्ममा सफल मानिएको जोडी दयाहाङ राई र मिरुना मगरको नयाँ फिल्म ‘घरज्वाइँ’ यही असार २८ गतेदेखि प्रदर्शनमा आउने तयारीमा छ । मगर समुदायको संस्कृति र परम्परामा आधारित भएर बनेको फिल्मको गत साता ट्रेलर सार्वजनिक गरिएको थियो । जसलाई युट्युबमा भ्यूज र प्रतिक्रिया राम्रो मिलेको छ । रिलिजको एक हप्तामा ट्रेलरलाई ९ लाख बढीले हेरिसकेका छन् ।
