Nepal's No.1 Filmy Web Magazine
करिब एक वर्ष अगाडि बेलायतमा फिल्म ‘लण्डन टू पेरिस’को छायांकन गरिएको थियो । २० प्रतिशत पेरिसको दृश्य बाँकी राखेर निर्माण टिम काठमाडौंमा फर्किएको थियो । तर पछि विभिन्न कारणले पेरिसमा छायांकन गर्न सम्भव नभएपछि निर्माण टिमले यसै साता मुम्बईको एक स्टुडियोमा रहेको पेरिसको सेटमा फिल्म खिचेको छ । योसँगै अब फिल्मको सम्पूर्ण छायांकन सकिएको छ ।
फिल्म कन्टेन्टले चल्छ कि स्टारले ? यो विषयमा हरेकको आ-आफ्नै तर्क र परिभाषा हुनसक्छ । तर, वास्तविक यथार्थ के हो भने फिल्म चल्ने मुख्य आधार कन्टेन्ट नै हो । ‘स्टार भनिने कलाकारले काम गरेका फिल्म कन्टेन्टमा चुक्दा बक्स अफिसमा असफल भएका कयैन् उदाहरण छन् । कलाकारहरुको भीड थुपारेर मात्र फिल्म चल्दैन भन्ने अर्को एउटा उदाहरण बनेको छ, ‘हात्तीछाप’ ।
गत वर्षको सफल फिल्म ‘झिंगेदाउ’का निर्देशक ज्ञानेन्द्र देउजाको नयाँ फिल्म ‘उपहार’को ट्रेलर सार्वजनिक गरिएको छ । शुक्रबार सार्वजनिक ३ मिनेटको ट्रेलरमा प्रेम, रोदन, खुसी, पीडा र कमेडीको समिश्रण छ । विशेषगरी पारिवारिक कथालाई ट्रेलरले भन्न खोजेको देखिन्छ । महानगरपालिकाले अनाधिकृत संरचना भत्काएको दृश्यबाट सुरु भएको ट्रेलर घर-झगडामा पुगेर टुंगिएको छ ।
यस वर्ष फिल्म रिलिजमा कमी आएको छ । वर्षभरि ५० हाराहारी फिल्म पनि रिलिज हुने सम्भावना देखिएको छैन । तर, आगामी वर्ष यो संख्या बढ्ने देखिन्छ । किनकि, तिहारयता फिल्म निर्माण बढेको छ । अहिले डेढ दर्जन बढी फिल्म छायांकनको तयारीमा छन् भने त्यतिक्कै संख्यामा रिलिज कुरेर बसेका छन् । फिल्म निर्माण बढेपछि कलाकार र निर्देशकको व्यस्तता पनि बढेको छ ।
सौरभ चौधरीको लेखन तथा निर्देशनमा बनेको फिल्म ‘अगस्त्य’को ट्रेलर सार्वजनिक गरिएको छ । बिहीबार एक कार्यक्रमका बीच सार्वजनिक ३ मिनेटको ट्रेलर एक्सन दृश्यले भरिएको छ । ट्रेलरको एउटा पार्टमा अभिनेताद्वय सौगात मल्ल र नाजिर हुसेनबीचको मित्रता देखाइएको छ भने अर्को पार्टमा दुवैलाई एक्सन अवतारमा प्रस्तुत गरिएको छ । दुवैको एक्सन छरितो र बुलन्द देखिन्छ ।
अभिनेत्री पूजा शर्मा पहिलोपटक एक्सन भूमिकामा प्रस्तुत हुन लागेको फिल्म ‘दान्भी’को नेपालपछि भारतको कालिम्पोङमा तेस्रो चरणको छायांकन भैरहेको छ । फिल्मको पहिलो हाफको दृश्य छायांकनका लागि निर्माण टिम कालिम्पोङ पुगेको हो । निर्देशक रुपेश तामाङका अनुसार, अहिले एक्सन र रोमान्टिक सिनको छायांकन भैरहेको छ । फिल्मको छायांकन अझै एक हप्ता हुनेछ ।
- ‘राम नाम सत्य’को ट्रेलरमा विराज र सुशीलको टकराव
- काठमाडौंमा सुरू भयो ‘निफ’, भोलि संवाद गर्दै ‘शोले’ निर्देशक र हमाल
- सागरमाथि बलात्कारको आरोप लगाएकी युवती भन्छिन्, ‘दाइ भन्थेँ, राक्षस रहेछ’
- बलात्कारको आरोप लागेपछि ‘पाँच पाण्डव’बाट निकालिए ‘बले’
- विराजलाई प्रश्न- ‘नातिनी उमेरकी युवतीसँग रोमान्स गर्न कसरी मान्नुभयो ?’
