Nepal's No.1 Filmy Web Magazine
अभिनेता दयाहाङ राई र अभिनेत्री सुरक्षा पन्तले तेस्रो पटक फिल्ममा एकसाथ काम गर्ने भएका छन् । ‘भैरे’ र ‘के घर के डेरा’पछि फिल्म ‘कार्साङ’मा उनीहरुको जोडी बाँधिन लागेको हो । यसै हप्ता निर्माण टिमले फिल्मको मुख्य भूमिकामा सुरक्षालाई अनुबन्ध गरेको हो । दयाहाङसँग भने गत जेठ दोस्रो साता सम्झौता गरिएको थियो । आगामी तिहारपछि फिल्मको छायांकन सुरु गरिँदैछ ।
कमै अभिनेत्रीलाई डेब्यू फिल्मबाटै सफलताको उत्कर्षमा पुग्ने मौका मिल्छ । यसमानेमा भाग्यमानी अभिनेत्री हुन्, साम्राज्ञी आरएल शाह । पहिलो फिल्म ‘ड्रिम्स’ले नै उनलाई युवापुस्तामा जबर्जस्त लोकप्रियता दिलायो । दोस्रो फिल्म ‘ए मेरो हजुर २’को सफलताले उनको स्टारडम थप मजबूत बन्यो । यतिसम्मकी उनको स्टारडमले नै फिल्म चल्छ भन्ने विश्वास मेकरमा हुन थालिसकेको थियो ।
बलिउड निर्माता फिरोज नाडियाडवालाको तीन ठूला फ्रेन्चाइज ‘हेरा फेरी’, ‘वेलकम’ र ‘आवारा पागल दीवाना’मा अभिनेता अक्षय कुमार एकपटक फेरि देखिँदैछन् । यसमध्ये सबैभन्दा पहिला उनले फिल्म ‘वेलकम ३’मा काम गर्नेछन् । फिल्ममा उनीसँगै परेश रावल, सञ्जय दत्त र अरशद वारसीको प्रवेश भैसकेको छ । यसबीच, यो फिल्ममा अभिनेता बबी देओलको पनि इन्ट्री भएको छ ।
अघिल्लो वर्षको सुपरहिट फिल्म ‘झिँगेदाउ’का निर्देशक ज्ञानेन्द्र देउजाको निर्देशनमा बन्न लागेको नयाँ फिल्म ‘उपहार’मा अभिनेत्री बेनिशा हमाल मुख्य भूमिकामा अनुबन्धित भएकी छन् । आइतबार उनीसँग निर्माण टिमले कागजी सम्झौता गरेको हो । फिल्ममा अब बेनिशाले अभिनेत्रीद्वय रेखा थापा र पूजा शर्मासँग एकसाथ काम गर्नेछन् । आगामी भदौबाट फिल्मको छायांकन सुरु हुँदैछ ।
सिभिल सेभिङ एण्ड क्रेडिट सहकारी संस्थाबाट पीडित बनेका वरिष्ठ अभिनेत्रीद्वय बसुन्धरा भुषाल र चैत्यदेवी सिंह न्याय माग्दै रिले अनसनमा बसेका छन् । सहकारीमा २ करोड ६० लाख रुपैयाँ फसेपछि रकम फिर्ताको माग गर्दै उनीहरु सोमबार काठमाडौंको माइतीघर मण्डलमा अनशन बसेका हुन् । उनीहरु दिउँसो १२ बजेदेखि राति १० बजेसम्मका लागि १० घण्टे रिले अनशनमा छन् ।
