Nepal's No.1 Filmy Web Magazine
ट्रेलर सार्वजनिक भएसँगै चर्चामा आएको फिल्म ‘बाटो : रोड टु डेथ’ यही शुक्रबार (जेठ ३२ गते)बाट प्रदर्शनमा आउने तयारीमा छ । तर, निर्माण टिमले फिल्मको प्रचारमा ध्यान नै दिएको छैन । यसको असर व्यापारमा पर्ने निश्चित प्रायः छ । यद्यपि, निर्माण टिमले प्रदर्शनको पूर्वसन्ध्यामा बुधबार ललितपुरस्थित लबिम मलमा प्रिमियर भने आयोजना गर्यो । जहाँ फिल्मलाई राम्रो तारिफ मिल्यो ।
अभिनेत्री पूजा शर्माको छवि ‘लभर गर्ल’को रुपमा बनेको छ । ‘प्रेमगीत’ होस् वा ‘म यस्तो गीत गाउँछु’ श्रृंखला, यी फिल्मले उनलाई रोमान्टिक भूमिकामा स्थापित गराए । तर, उनी ‘स्टेरियोटाइप’ भएको आरोप भने अक्सर लाग्ने गरेको थियो । यसैले पनि हुनसक्छ, पूजाले आफ्नो ‘कम्फर्ट जोन’बाट बाहिर निस्किएर पहिलोपटक एक्सन प्रधान फिल्ममा काम गरेकी छन् । त्यो फिल्म हो, ‘दान्भी’ ।
अक्सर फिल्मको सम्पूर्ण गीत प्रदर्शनभन्दा अगाडि नै सार्वजनिक गरिन्छ । त्यसले फिल्मको हाइप निर्माणमा भूमिका खेल्ने विश्वास मेकरमा हुन्छ । तर, कथा खुल्ने गीत छ भने फिल्म प्रदर्शन भएपछि मात्र सार्वजनिक गर्ने परिपाटी छ । फिल्म ‘लण्डन टू पेरिस’को ‘हतारले’ गीत पनि प्रदर्शनको चार दिनपछि सार्वजनिक गरिएको छ । किनकि, यो गीतले फिल्मको महत्त्वपूर्ण ‘सस्पेन्स’ खुलाउँछ ।
पछिल्लो समय बलिउडमा एकपछि अर्को गर्दै स्टारका फिल्म पिटिरहेका छन् । ‘टाइगर ३’, ‘फाइटर’, ‘बढे मियाँ छोटो मियाँ’ जस्ता ठूला ‘स्टार’का फिल्म अपेक्षाकृत चलेनन् । बरु बिना स्टार र कम बजेटका फिल्मले बक्स अफिसमा अप्रत्यासिक कमाई गरिरहेका छन् । ‘टुवेल्थ फेल’, ‘आर्टिकल ३७०’ जस्ता फिल्म सफल हुनुले बलिउडमा अब स्टारभन्दा पनि कन्टेन्ट बिक्छ भन्ने प्रमाणित गर्छ ।
संविधान दिवसको अवसर पारेर आगामी असोज ३ गतेदेखि प्रदर्शनमा आउने तयारीमा रहेको फिल्म ‘ह्रस्व दीर्घ’को चौंथो चरणको पोस्टर गरिएको छ । फिल्मकी अभिनेत्री नीता ढुंगाना चित्रित पोस्टर रोचक देखिन्छ । उनको हातमा हनुमानले बोक्ने गदा (वाहन) छ भने ब्रह्मानन्दम, अली, किरण केसी, बुद्धि तामाङ, रविन्द्र झा र आदर्श मिश्रलाई उनको टाउकोको रुपमा प्रस्तुत गरिएको छ ।
नेपाली फिल्ममा महिला निर्देशकहरुको उपस्थिति औंलामा गन्न सकिने मात्र छ । त्यसमा पनि एकाधले निरन्तर फिल्म बनाउँछन् । नभए धेरैले त पहिलो फिल्मपछि निर्देशनलाई अगाडि बढाउन पनि सकेका छैनन् । तर, नेपाली फिल्ममा सर्वाधिक सफल फिल्म दिने निर्देशकमा महिला पनि पर्छन् । त्यसमध्येको एक नाम हो, दीपाश्री निरौला । उनले सफलतामा ‘ह्याट्रिक’ नै गरिसकेकी छन् ।
