Nepal's No.1 Filmy Web Magazine
‘पठान’ फेम्ड निर्देशक सिद्धार्थ आनन्दद्वारा निर्देशित नयाँ फिल्म ‘फाइटर’को टिजर सार्वजनिक गरिएको छ । १ मिनेट १३ सेकेण्ड लम्बाईको टिजरमा फाइटर जेट्सको एरियल एक्सन देखाइएको छ । टिजरमा समावेश हरेक एक दृश्यले रोमाञ्चक बनाउँछन् । ब्याकग्राउन्ड स्कोर सशक्त छ । टिजरमा कुनै कलाकारको संवाद भने राखिएको छैन । यो फिल्म २५० करोड भारुमा बनेको हो ।
कुनै बेला ‘जीरे खुर्सानी’ हास्य सिरियलमा ट्राफिक हवल्दार बनेर ‘नियम कडा छ’ भन्दै बोल्ने संवादकै कारण चर्चित बनेका गोपाल नेपाल ‘फिस्टे’ले विगत एक दशकदेखि अमेरिकालाई कर्मथलो बनाएका छन् । सिरियलमा गाडी रोकेर चेकजाँच गर्ने प्रहरी बनेका उनी अमेरिकामा भने गाडीको चालक बनेका छन् । होका कदका उनी ७/८ वर्षदेखि १८ चक्के मालवाहक गाडी चलाउने गर्छन् ।
नबीन सुब्बाले ६ वर्षपछि निर्देशनमा कमब्याक गरेको फिल्म ‘गाउँ आएको बाटो’को प्रदर्शन मिति घोषणा गरिएको छ । शुक्रबार एक पोस्टरमार्फत् अर्को वर्षको जेठ १८ गतेलाई फिल्मको प्रदर्शन मिति घोषणा गरिएको हो । पोस्टरमा अभिनेता दयाहाङ राई र बाल कलाकार प्रशान राई फिचरिङ छन् । एक गाडीको दृश्य समेत समेटिएको पोस्टरले बाबु-छोराको सम्बन्धलाई दर्शाएको छ ।
अभिनेता सौगात मल्लसँग ब्रेकअप भएपछि अभिनेत्री सृष्टि श्रेष्ठले कुनै पनि फिल्ममा काम गरेकी थिइनन् । जसले गर्दा ब्रेकअपपछि उनलाई फिल्मको प्रस्ताव आउन टुटेको समेत चर्चा भयो । तर, यो चर्चाबीच उनी क्राइम-थ्रीलर जनरामा बन्न लागेको नयाँ फिल्म ‘११ः५५’मा आबद्ध भएकी छन् । बिहीबार काठमाडौंमा एक कार्यक्रका बीच फिल्मको औपचारिक रुपमा निर्माण घोषणा गरियो ।
मानव अधिकार चलचित्र केन्द्रको आयोजनामा यही मंसिर २३ गतेदेखि काठमाडौंमा ‘नेपाल मानव अधिकार अन्तर्राष्ट्रिय चलचित्र महोत्सव’ हुने भएको छ । महोत्सवको ११औं संस्कारण मंसिर २६ गतेसम्म प्रदर्शनी मार्गस्थित नेपाल पर्यटन बोर्ड र चाबहिलस्थित चलचित्र विकास बोर्डको सभा हलमा आयोजना हुने जनाइएको छ । यसपटक महोत्सवको नारा भने ‘सामूहिक अधिकार’ भन्ने छ ।
उदय सुब्बा फिल्म निर्देशनमा २ दशकभन्दा बढी समयदेखि सक्रिय रुपमा छन् । उनले निर्देशन गरेका ‘लेखान्त’, ‘क्रान्ति’, ‘कार्याङ ग्याङ’, ‘कानुन’ जस्ता फिल्म व्यावसायिक रुपमा सफल मानिन्छन् । उनले निर्देशनसँगै निर्माण र अभिनयलाई पनि निरन्तरता दिँदै आइरहेका छन् । उनको २३औं निर्देशन रहेको फिल्म ‘दुई कदम’ यही मंसिर २९ गतेदेखि प्रदर्शनमा आउने तयारीमा रहेको छ ।
- फेरि ‘दान्भी’ निर्देशकको एक्सन फिल्ममा देखिँदै पूजा
- ‘महाभोज’को ‘लालुमै’ गीतः मलिकाको बिहेमा दयाहाङदेखि निश्चलसम्मको नृत्य
- नेपाली र हिन्दी भाषामा रिलिज हुने ‘अभिमन्यु’ २५ दिनमा प्याकअप
- ‘यो मन त मेरो नेपाली हो’को खैँजडी गीत रिलिज
- ‘झिल्को’ टिमसँग वर्षा असन्तुष्ट, लेख्छिन्, ‘कलाकार मात्रैले केही गर्न सक्दैन’
