Nepal's No.1 Filmy Web Magazine
केही वर्ष नेपाली फिल्ममा एक्सनको चर्को अभाव देखियो । कमेडी र लभस्टोरी फिल्म बनाउन मेकरहरु बढी केन्द्रित हुँदा एक्सन छुटिरहेको थियो । कोभिडपछि बलिउड र साउथले एक्सन फिल्मलाई प्राथमिकता दिन थालेपछि अब नेपालमा पनि त्यो लहर सुरु भएको छ । अर्को वर्ष एक्सन फिल्मको निर्माण उच्च हुने देखिन्छ । यसले नेपाली फिल्मको ट्रेन्ड नै बदल्ने विश्लेषण भइरहेको छ ।
विनोद पौडेलले आफ्नो दोस्रो निर्देशकीय फिल्म ‘भूठान’ (द वर्ल्ड ह्यापियस्ट म्यान)को सम्पूर्ण छायांकन सकाएका छन् । मंगलबार अमेरिकाको ओहियो राज्यमा फिल्म ‘प्याकअप’ गरिएको हो । छायांकन सकिएसँगै निर्माण टिमले उपलब्ध गराएको तस्वीरहरुमा हलिउड अभिनेता ब्रुस डर्न र दयाहाङ राईको एकसाथ छायांकन भैरहेको देखिन्छ । दयाहाङ अमेरिकी आर्मीको पोशाकमा छन् ।
नेपाली निर्मातालाई सबैभन्दा हतारो फिल्मको घोषणा गर्न हुन्छ । एउटा फिल्म प्रदर्शन नहुँदै त्यसको सिक्वेल घोषणादेखि २/४ वटा फिल्म एकसाथ घोषणा गर्न समेत निर्माताहरु पछाडि पर्दैनन् । तर, घोषणा भएकामध्ये थोरै मात्र फिल्म निर्माण हुन्छन् । निर्देशक ऋषिराज आचार्यले पनि ५ वर्षअघि फिल्म ‘द्रोपदी’ घोषणा गरेका थिए । अब बल्ल उनी यो फिल्म बनाउने तयारीमा जुटेका छन् ।
नेपालपछि फिल्म ‘चित्रा’लाई अब अष्ट्रेलियामा प्रदर्शन गरिने भएको छ । फेब्रअरी ९ अर्थात् माघ २६ गते अष्ट्रेलियाको तासमानिया राज्यको भिलेज सिनेमाज् इस्टल्यान्डसमा फिल्मको पहिलो शो हुन लागेको हो । अष्ट्रेलियन ३० डलर टिकट मूल्य निर्धारण गरिएको फिल्मको शोमा स्थानीय मेयर पनि सहभागी हुने जनाइएको छ । यसपछि अष्ट्रेलियाको अन्य शहरमा फिल्मको प्रदर्शन गरिनेछ ।
