Nepal's No.1 Filmy Web Magazine
यही फागुन २५ गतेबाट प्रदर्शनमा आउन लागेको फिल्म ‘उपहार’को ट्रेलर सार्वजनिक भएपछि काठमाडौंका मेयर बालेन शाहको विरोधमा फिल्म बनेको भन्दै टिप्पणी भइरहेको छ । ट्रेलरमा फुटपाथ व्यापरीहरुमाथि महानगरको धरपकड र डोजरले अनाधिकृत संरचनाहरु भत्काइएको दृश्य समावेश छ । र, अभिनेत्री रेखा थापाको एक संवादले फुटपाथ व्यापारीको समर्थन गरेको देखिन्छ ।
यही फागुन २५ गतेबाट प्रदर्शन हुन लागेको फिल्म ‘रङ्गेली’को शीर्षकमा आपत्ति जनाउँदै सेन्सर बोर्डले प्रमाणपत्र दिन अस्वीकार गरेपछि बोर्डको आलोचना भैरहेको छ । एकपटक फेरि सेन्सर खारेजीको माग समेत चर्किएको छ । बोर्डले निर्मातालाई दुःख दिने नियतले कहिले दृश्य र संवादमा त कहिले नाममा आपत्ति जनाएर प्रदर्शन अनुमति नै नदिने गरेको फिल्मकर्मीहरुको आरोप छ ।
नेपाली फिल्ममाथि सेन्सर बोर्डको हस्तक्षेप बढ्दो छ । कहिले दृश्य र संवाद त कहिले नाममा आपत्ति जनाउँदै बोर्डले फिल्मलाई प्रमाणपत्र दिन अस्वीकार गर्दै आएको छ । यसपटक फिल्म ‘रङ्गेली’लाई सेन्सरले रोकेको छ । शीर्षकमा आपत्ति नजाउँदै बोर्डले फिल्मलाई प्रमाणपत्र दिएको छैन । सेन्सर बोर्डबाट प्रमाणपत्र नपाएसम्म फिल्मलाई सार्वजनिक प्रदर्शन गर्न नपाइने व्यवस्था छ ।
एक हप्ताअघि युट्युबमा सार्वजनिक भएको फिल्म ‘डिग्री माइला’को टिजरमा अभिनेता दयाहाङ राईले चौधरी ग्रुपले ४ लाख अफर गर्दा पनि आफूले काम गरेको भन्ने संवाद समावेश छ । यो टिजरको आकर्षक पक्ष हो । दयाहाङले जुन मुडमा संवाद भनेका छन्, त्यसले स्वभाविक रुपमा हाँसो पैदा गर्छ । चौधरी ग्रुपका अध्यक्ष विनोद चौधरीले पनि आफूलक्षित उक्त संवाद मन पराएका छन् ।
नेपाली फिल्ममा ‘स्टार किड्स’को प्रवेश बाक्लिँदो छ । केहीले ठूलो सफलता पनि हासिल गरेका छन् । अब एक समयका सफल अभिनेता दीलिप रायमाझीकी छोरी दिव्या रायमाझी फिल्ममा डेब्यूको तयारीमा छिन् । सुन्दरताका कारण लामो समयदेखि चर्चामा रहेकी उनले डेब्यूका लागि दशैंअघि फिल्म ‘वरिष्ठ बलराम’ सम्झौता गरेकी थिइन् । अब अर्को फिल्म ‘एक्टर’मा जोडिएकी छन् ।
टिजर र ट्रेलरपछि चर्चामा रहेको सौरभ चौधरीद्वारा निर्देशित फिल्म ‘अगस्त्य’ले प्रदर्शन सुरु गरेको छ । मल्टीप्लेक्सहरुमा उच्च शो पाएको फिल्ममा कलाकारको ‘लाइनअप’ बलियो भएकाले सुखद् व्यापार गर्ने प्रक्षेपण गरिएको छ । तर, फिल्मको बुकिङ कमजोर देखिएकाले इनिसियल व्यापार भने अपेक्षाकृत नहुन सक्छ । यसैले फिल्मलाई अब बलियो ‘वर्ड अफ माउथ’को आवश्यकता छ ।
