Nepal's No.1 Filmy Web Magazine
अभिनेत्री स्वस्तिमा खड्काले गत वर्ष प्रदर्शनमा आएको फिल्म 'बुलबुल' मा आफ्नो भर्सटालिटी प्रस्तुत गरिन् । यो फिल्मभन्दा अगाडि उनी एकैखाले भूमिकामा अल्झिरहेकी थिइन् । अभिनयमा विविधता पनि पस्किन सकेकी थिइनन् । उमेरले २४ वर्ष पनि राम्रोसँग नटेकेकी उनले 'बुलबुल' मा विवाहित महिला, त्यो पनि टेम्पो चालकको भूमिका निभाएर सबैलाई चकित बनाइन् । अभिनय पनि जीवन्त गरेकी थिइन् ।
समय समयमा विदेशी फिल्मका कारण नेपाली फिल्मकोे प्रदर्र्शन भद्रगोल हुने गरेको छ । यस वर्षको बैशाखमा हलिउड फिल्म 'एभेञ्जर : इन्ड गेम' र 'स्टूडेन्ट अफ दी ईयर २' का कारण मल्टीस्टारर फिल्म 'दाल भात तरकारी' र 'जात्रा जात्रै' एक हप्ता पछाडि सर्यो । तर, निर्माण टीमले प्राविधिक कारणले प्रदर्शन मिति सारेको बतायो । वास्तविकता भने विदेशी फिल्मको डर नै थियो । नेपाली फिल्ममेकर्सलाई विदेशी फिल्मसँग डराएको भागेको स्वीकार गर्न इगोले दिँदैन ।
हरेक हप्ताको शुक्रबार एकभन्दा बढी फिल्म प्रदर्शनमा आइरहेका छन् । तर, यस वर्षको साउन दोस्रो हप्तासम्म 'जात्रै जात्रा' र 'दाल भात तरकारी' बाहेक कुन फिल्मले लगानी उठाउन सकेका छैनन् । निर्माताको करोडौंको लगानी पानीमा बगिरहेको छ । चलेका कलाकारका फिल्मले समेत हलमा दर्शक तान्न नसकेको अवस्था छ । तर, फिल्म नचले पनि निर्माण र प्रदर्शनमा भने कमी आएको छैन । हरेक हप्ताको शुक्रबार फिल्म भिडेका भिड्यै छन् ।
राष्ट्रिय अवार्डमा फिल्म बुलबुलबाट उत्कृष्ट अभिनेत्रीको अवार्ड चुमेकी भर्सटायल अभिनेत्री स्वस्तिमा खड्का र फिल्म निर्देशक तथा कलाकार निश्चल बस्नेतलाई आदर्श जोडीको रुपमा सम्मान गरिएको छ । ललितपुरको जावलाखेलस्थित खुल्ला चौरमा आयोजित तीन दिने 'तीज माइती मेला २०७६' को उद्घाटन समारोहमा नेपाली कला क्षेत्रको आदर्श जोडी मान्दै दुईलाई सम्मान गरिएको छ ।
फिल्म इन्डस्ट्रीमा अहिले अक्षय कुमार 'मोस्ट सक्सेसफुल एक्टर्स' को लिस्टमा अग्रणी स्थानमा छन् । उनको वर्षमा दुईभन्दा बढी फिल्म रिलिज गरेका छन् र सबैले बक्सअफिसमा जबरजस्त व्यापार गर्दै आएका छन् । ब्याक टू ब्याक ब्लकबस्टर फिल्म दिएका उनी बलिउडका सबैभन्दा महँगा अभिनेता समेत हुन् । पछिल्लो फिल्मको सफलतापछि उनले पारिश्रमिक बढाएको चर्चा छ ।
चौधरी ग्रुपसँग सहकार्य गरेर अभिनेत्री ऋचा शर्माले करीब ७ वर्ष अगाडि निर्माण गरेको फिल्म ‘भिसा गर्ल’ को सिक्वेल निर्माण हुन लागेको चर्चा केही दिनयता फिल्मवृतमा छ । चौधरी ग्रुपले यसको सिक्वेलको तयारी गरिरहेको खबर हालसालै बाहिरिएको थियो । तर, यसलाई अभिनेत्री ऋचाले हल्ला मात्र रहेको बताएकी छिन् ।
