Nepal's No.1 Filmy Web Magazine

आफ्ना हरेक नयाँ फिल्ममा स्थानीय कथा र पात्रलाई समेट्दै आएका रामबाबु गुरुङ निर्देशित फिल्म ‘सेन्टी भाइरस’ शुक्रवारबाट देशभर प्रदर्शनमा आएको छ । कलाकारिता हुँदै सामाजिक कार्यमा होमिएको हास्यजोडी सिताराम कट्टेल ‘धुर्मुस’ र कुञ्जना घिमिरे ‘सुन्तली’ ले पहिलो पटक ठूलो पर्दामा स्क्रिन साझेदार गरेका कारण यो फिल्मको दर्शकमाझ लामो समयदेखि प्रतिक्षा थियो ।

शुक्रवारबाट प्रदर्शनमा आएको दीपेन्द्र के. खनाल निर्देशित फिल्म ‘आमा’ ले बक्सअफिसमा सुखद ओपनिङ गरेको छ । शुक्रवार मल्टीप्लेक्समा ६० प्रतिशत र सिंगल थिएटरमा ४५ प्रतिशतको आसपास अकुपेन्सी कायम गरेको फिल्म शनिवार बिहानैदेखि देशभर हाउसफुल रहेको वितरकले जानकारी दिएका छन् । विशेषगरि फिल्म हेर्ने दर्शकको चाप मल्टीप्लेक्समा राम्रो छ । 

नेपाली फिल्ममा गायकबाट नायकको रुपमा फड्को मार्नेको संख्या ठूलो छ । तर, स्थापित गायकलाई फिल्ममा भने दर्शकले स्वीकार गरेका छैनन् । रामकृष्ण ढकाल, बाबु बोगटी, यश कुमार, कोशिश क्षेत्रीलगायत थुप्रै गायकले नायकको रुपमा स्थापित हुन प्रयास गरे पनि सफल भएनन् । यसबीच, फेरि एक गायक नेपाली फिल्मको हिरो बनेका छन् । उनी हुन्, प्रेम परियार । 

यस वर्षको प्रतिक्षीत फिल्म ‘प्रेमगीत ३’ को दोस्रो गीत सार्वजनिक भएको छ । महाशिवरात्रीको अवसर पारेर सार्वजनिक गरिएको फिल्मको शिर्ष गीतमा प्रताप दास र प्रविशा अधिकारीको स्वर, राजेश कुमार श्रेष्ठको शब्द र एलिश कार्कीको संगीत छ । गीतमा फिल्मका चल/अचल दृश्यहरु समावेश छन् । गीतले फिल्मका दुई प्रमुख पात्र प्रेम र गीतको मनोभाव र प्रेमभाव बोल्छ ।

४ वर्ष अगाडिको सुपरहिट फिल्म ‘परदेशी’ को सिक्वेलको शुक्रवारबाट छायांकन सुरु भएको छ । महाशिवरात्रीको अवसर पारेर फिल्मको शुभ मुहूर्तसँगै छायांकन आरम्भ गरिएको हो । नारायण रायमाझीको निर्देशनमा निर्माण हुने लागेको फिल्ममा चर्चित लोक गायक प्रकाश सपुतले प्रमुख भूमिका निर्वाहा गर्दैछन् । उनले ‘परदेशी २’ बाट अभिनेताको रुपमा डेब्यू गर्न लागेका हुन् ।