Nepal's No.1 Filmy Web Magazine
गत वर्षको व्यावसायिक तथा समीक्षात्मक रूपमा सफल फिल्म ‘आमा’ पछि निर्देशक दीपेन्द्र के. खनाल नयाँ फिल्मको तयारीमा छन् । लकडाउन अन्त्य भएपछि उनले चलचित्र विकास बोर्डमा दुई चलचित्र ‘चिसो मान्छे र लकडाउन’ दर्ता गरेका थिए । जसमध्ये पहिला ‘चिसो मान्छे’ निर्माण हुनेछ । लकडाउनयता घरमै बसेर निर्देशक खनाल यो फिल्मको स्क्रिप्टमा काम गरिरहेका छन् ।
आगामी शैक्षिकसत्रदेखि विद्यार्थीहरुले फिल्म पढ्न पाउने भएका छन् । आम मानिसलाई नेपाली फिल्मको इतिहास र प्राविधिकलगायतका पक्षमा जानकारी दिने उद्येश्यले विद्यालयको पाठ्य पुस्तकमा फिल्मलाई समेट्न लागिएको हो । पाठ्यक्रम विकास केन्द्रसँग फिल्मलाई पाठ्यक्रममा समावेश गर्ने मोटामोटी सहमति भएको चलचित्र विकास बोर्डले जानकारी दिएको छ ।
वरुण धवन स्टारर फिल्म ‘कुली नम्बर १’ ओटीटी प्लेटफर्ममा रिलिज हुने भएको छ । अमेजन प्राइममा फिल्म रिलिज हुन लागेको हो । सेप्टेम्बरको पहिलो हप्ता फिल्मको रिलिज डेट घोषणा हुने बताइएको छ । अहिले ‘मिर्जापुर २’ को प्रमोशन चलिरहेका कारण अमेजनले ‘कुली नम्बर १’ को रिलिज डेट घोषणा गर्न नसकेको हो । फिल्मको ओटीटी राइट्स महंगा मुल्यमा विक्री भएको छ ।
कोरोना भाइरसका कारण विगत पाँच महिनायता फिल्म क्षेत्र पूर्ण रुपमा ठप्प छ । लकडाउनपछि रोकिएको फिल्म निर्माण र प्रदर्शन अहिलेबाट पुरानो अवस्थामा फर्किने हो, कुनै निश्चित छैन । देशभर बढिरहेको संक्रमितको संख्या हेर्दा दशैंअघि फिल्म क्षेत्र पुनः सञ्चालनमा आउने सम्भावना न्यून देखिन्छ । कोरोना महामारीपछि पनि फिल्म क्षेत्रलाई आफ्नो लयमा फर्किन सहज छैन ।
अभिनेता अनमोल केसी अभिनीत फिल्म ‘कृ’ बाट अभिनेत्रीको रुपमा डेब्यू गरेकी अदिती बुढाथोकीले अभिनय गरेको पञ्जाबी गीत सार्वजनिक भएको छ । ‘रुसिया लग्दानी’ बोलको गीतमा पञ्जाबका चर्चित गायक राहुल लखनपालको स्वर छ । गीतको भिडियोमा अदितीले गायक राहुलसँग रोमान्स गरेकी छन् । यूट्युब रिलिजको चार दिनमा गीतलाई १९ लाखभन्दा बढीले हेरिसकेका छन् ।
वर्षौंदेखि भयावह रुप लिइरहेको लोडसेडिङलाई अन्त्य गर्ने प्रमुख पात्र हुन्, नेपाल विद्युत प्राधिकरणका कार्यकारी निर्देशक कुलमान घिसिङ । चार वर्षअघिसम्म देशमा दैनिक १८ घण्टासम्म लोडसेडिङ थियो । जब उनी प्राधिकरण प्रमुखमा नियुक्त भए, त्यसको केही समयपछि देश लोडसेडिङ मुक्त भयो । उनले घाटामा रहेको प्राधिकरणलाई अर्बौं नाफा पनि दिलाएका छन् ।
