Nepal's No.1 Filmy Web Magazine
अर्पण थापा निर्देशित हरर फिल्म ‘घर’ पछि अभिनेत्री बेनिशा हमालले नयाँ फिल्ममा काम गरेकी छैनन् । लकडाउन हुनुभन्दा अगाडि उनी भारतको मुम्बईमा बसेर फिल्म मेकिङको अध्ययन गरिरहेकी थिइन् । कोरोनाका कारण अध्ययन रोकिएपछि नेपाल फर्किएकी उनी स्थिति सामान्य भएपछि फिल्म ‘झ्यानाकुटी २’ मा काम गर्दैछिन् । यसको अघिल्लो श्रृंखलामा पनि उनी नै थिइन् ।
कुनै समय लभर ब्वाईको भूमिकामा निकै रुचाइएका चकलेटी अभिनेता राजबल्लभ कोइराला आइतवार आफ्नो जन्मदिन मनाउँदैछन् । लामो समयदेखि अमेरिकामा सपरिवार बस्दै आएका उनलाई जीवन लुईंटेल, रेखा थापालगायत फिल्मकर्मीहरुले सामाजिक सञ्जालको माध्यमबाट जन्मदिनको शुभकामना दिएका छन् भने दर्शकहरुले फिल्ममा फर्किन आग्रह गरेका छन् ।
विवाह गरेपछि अभिनेत्रीको करिअरले विश्राम लिन्छ भन्ने गरिन्छ । विवाहित अभिनेत्रीप्रति दर्शकको चासो नरहने विश्वासका कारण निर्माता/निर्देशक उनीहरुलाई फिल्ममा लिने हत्तपत्त आँट गर्दैनन् । विवाह गरेका अभिनेत्रीहरु कामविहीन भएका धेरै उदाहरण छन् । तर, यो भीडमा अभिनेत्री स्वस्तिमा खड्का अपवादमा पर्छिन् । विवाहपछि नै उनको फिल्म करिअरले गति लिएको हो ।
कोरोना भाइरसको संक्रमण फैलिन नदिन सरकारले गएको चैतमा लकडाउन घोषणा गरेपछि फिल्म निर्माण र प्रदर्शन रोकियो । जसले गर्दा कलाकारहरु फुर्सदिला भए । विरलै परिवारसँग घरमा फुर्सदले बस्न पाएका उनीहरुले पाँच महिना लामो लकडाउनमा विभिन्न काम गरेर दैनिकी विताए । कोही भान्सा झिरेर विभिन्न परिकार बनाउन सिके । कतिले भने फिल्म हेरेर दिन काटे ।
चीनबाट संसारभर फैलिएको कोरोना भाइरसको संक्रमणले नेपाललाई पनि छपक्कै छोइसकेको छ । दिन प्रतिदिन संक्रमितको संख्या बढिरहेको छ । संक्रमणले भयावह रुप लिन थालेपछि गएको हप्ताबाट काठमाडौं उपत्यकामा निषेधाज्ञा लागू गरिएको छ । तर, संक्रमितको संख्या घटेको छैन । यो अवस्थामा सबैलाई सावधानी अपनाएर घरमा बस्न सरकारले आग्रह गरिरहेको छ ।
