Nepal's No.1 Filmy Web Magazine

कोरोना भाइरसको महामारीका कारण फिल्म क्षेत्र तीन महिनादेखि ठप्प छ । सामान्य अवस्था हुँदा फिल्मको व्यापारदेखि एकै मितिमा ठूला फिल्महरु भिड्न लागेका खबरले फिल्म क्षेत्र तात्ने गर्थे । लकडाउनपछि कलाकारहरुको अभिव्यक्तिले उत्पन्न विवादले स्थान पाइरहेका छन् । सम्भवतः नेपाली फिल्म क्षेत्र यति धेरै विवादको साक्षी भएको यो पहिलो पटक हो । 

अक्षय कुमार र कटरीना कैफ स्टारर फिल्म ‘सूर्यवंशी’ कोरोना भाइरसका कारण सिनेमा हलमा नभइ ओटीटी प्लेटफर्ममा रिलिज हुने हल्ला थियो । तर, निर्देशक रोहित शेट्टीले आउँदो दिपावलीमा फिल्म रिलिज गर्ने घोषणा गरेका छन् । त्यस्तै, रणवीर सिंह स्टारर फिल्म ‘८३’ को प्रदर्शन मिति पनि घोषणा गरिएको छ । यो फिल्म यस वर्षको क्रिसमसमा रिलिज हुने भएको छ । 

कोरोना भाइरसका कारण तीन महिनादेखि फिल्म क्षेत्र ठप्प छ । फिल्म निर्माण नहुँदा व्यस्त कलाकारहरु पनि फुर्सदिला भएका छन् । लकडाउनअघि फिल्म वा म्यूजिक भिडियोको छायांकनका कारण विरलै परिवारसँग समय विताउन पाएका उनीहरु अब घरभित्रै बसेर छट्पटिन थालेका छन् । कहिले स्थिति सामान्य होला र काममा फर्किन पाइन्छ भनेर प्रतिक्षा गरेर बसेका छन् । 

बलिउडबाट भित्रिएको नेपोटिज्मको बहसले नेपाली फिल्म क्षेत्र तातिरहँदा अभिनेत्री साम्राज्ञी आरएल शाहले गएको शुक्रवार आफूमाथि निर्माता तथा निर्देशकले फिल्मको सुटिङ सेटमा गरेको नराम्रा व्यवहारको पोल खोलिन् । ५ वर्षको अवधिमा काम गरेका ८ फिल्ममध्ये तीन ब्यानरले आफूमाथि गरेको नराम्रो व्यवहार शब्दमा व्यक्त गर्न नसक्ने उनको भनाई थियो ।

अभिनेता सुशान्त सिंह राजपूतको निधनपछि बलिउडमा नेपोटिज्मको विषयमा बहस चर्किएको छ । यसबाट नेपाली फिल्म क्षेत्र पनि अछुतो बन्न सकेन । अभिनेत्री नम्रता सापकोटाले एक भिडियोमार्फत् नेपाली फिल्म क्षेत्रमा मौलाएको नेपोटिज्मले प्रतिभावान कलाकारहरु डिप्रेसनको शिकार भएको बताएपछि यस विषयमा विभिन्न फिल्मकर्मीहरुले आफ्नो धारणा राखिरहेका छन् । 

कोरोना भाइरसका कारण बलिउडका निर्माता तथा निर्देशक फिल्मलाई सिनेमा घरमा रिलिज गर्ने पक्षमा देखिएका छैनन् । एकपछि अर्को फिल्म ओटीटी प्लेटफर्ममा रिलिज भइरहेका छन् । अब चाँडै मल्टीस्टारर फिल्म ‘सडक २’ पनि अनलाइनमा रिलिज हुने भएको छ । निर्देशक महेश भट्टले आफ्नो यो फिल्म डिजिटल प्लेटफर्ममा रिलिज गर्ने निर्णय गरेका छन् ।