Nepal's No.1 Filmy Web Magazine
कोरोना भाइरसको महामारी रोक्न सरकारले चैत पहिलो साताबाट देशभर लकडाउन घोषणा गर्यो । यसपछि नेपालका हरेक क्षेत्र बन्द भए । फिल्म क्षेत्र भने लकडाउन हुनुभन्दा अगावैदेखि बन्द भएको थियो । लकडाउन अन्त्य र निषेधाज्ञा खुकुलो भएपछि सरकारले विभिन्न क्षेत्रलाई सञ्चालनको अनुमति दिएको छ । तर, फिल्म क्षेत्रमा लगाइएको प्रतिबन्ध अझै फुकुवा भएको छैन ।
चकलेटी अभिनेताको रुपमा परिचित आर्यन सिग्देल लामो समयपछि नयाँ फिल्ममा आबद्ध भएका छन् । गत वर्ष प्रदर्शनमा आएको फिल्म ‘चच हुईं’ पछि नयाँ फिल्म साइन नगरेका उनले प्रविण झाको निर्देशनमा बन्न लागेको लभस्टोरी थ्रिलर फिल्म ‘डिसेम्बर फल्स’ मा अभिनय गर्ने भएका छन् । शनिवार यो फिल्मको राजधानीमा एक कार्यक्रमका बीच घोषणा गरिएको छ ।
फिल्म निर्देशक तथा सञ्चारकर्मी सुरेश दर्पण पोखरेल बैबाहिक बन्धनमा बाँधिएका छन्। उनले बिराटनगर निवासी निशा कार्कीसँग मंसिर ५ गतेका दिन विवाह गरेका हुन्।
भारतीय अभिनेत्री तथा राजनीतिज्ञ किरण खेरका छोरा तथा अभिनेता सिकन्दर खेरले सोसल मिडियाको माध्यमबाट काम मागेका छन् । उनले इन्स्टाग्राममा एक पोस्ट गर्दै काम मागेका हुन् । उनले आफ्नो एक तस्विर पोस्ट्याउँदै लेखेका छन्, ‘मलाई काम चाहिएको छ । म हाँस्न पनि सक्छु ।’ तस्विरमा उनी निकै निराश मुद्रामा देखिएका छन् भने ओठमा मुस्कानसम्म देखिएको छैन ।
हलिउड अभिनेत्री गल गडोट स्टारर फिल्म ‘वन्डर वुमन १९८४’ को प्रदर्शन मिति घोषणा गरिएको छ । यो फिल्म अमेरिकाको सिनेमा हल र एचविओ म्याक्समा २५ डिसेम्बर २०२० मा रिलिज हुने भएको छ । लामो समयदेखि विश्वभर प्रतिक्षा गरिएको फिल्मको कोरोनाका कारण प्रदर्शन पोस्टपोन्ड गरिएको थियो । सिनेमा हल खुलेसँगै यो फिल्म प्रदर्शनमा आउन लागेको हो ।
‘गैंडा’ उपनामले परिचित कलाकार, निर्माता तथा निर्देशक निर्मल शर्मा विगत दुई हप्तादेखि कोरोना भाइरससँग लडिरहेका छन् । सामान्य ज्वरो आएपछि पिसिआर परीक्षण गराउँदा उनलाई कोरोना संक्रमण पुष्टि भएको थियो । यसपछि उनी होम आइसोलेसनमा बसेर स्वास्थ्य लाभ गरिरहेका छन् । कोरोना पुष्टि भएपछि उनले यसापालीको तिहार समेत मनाउन पाएनन् ।
