Nepal's No.1 Filmy Web Magazine
रवीना टन्डन ९० को दशककी सबैभन्दा सफल अभिनेत्रीमध्ये एक हुन् । उनले ‘मोहरा’, ‘पत्थर के फुल’, ‘अन्दाज अपना अपना’, ‘लाडला, ‘दूल्हे राजा’ सहित कयौं सफल फिल्ममा काम गरेकी छन् । पिंकविलासँगको कुराकानीको क्रममा उनले बलिउडमा आफ्नो कोही गडफादर नभएको, कुनै ग्रुपसँग नजिक नभएको र आफूलाई प्रमोट गर्ने कुनै हिरो पनि नभएको बताएकी छन् ।
‘नाईं नभन्नू ल २’ बाट अभिनेत्रीको रुपमा डेब्यू गरेकी वर्षा सिवाकोटीलाई फिल्म क्षेत्रमा ‘फ्लप फिल्मकी हिट हिरोइन’ भन्ने गरिन्छ । उनी प्रमुख भूमिकामा रहेका कुनै फिल्म सफल नहुनु र यसका बावजूद फिल्मविहीन हुनु नपरेका कारण उनलाई यो ट्यागलाइन लागेको हो । एकपछि अर्को फिल्म असफल भएपछि प्रायः कलाकार कामविहीन हुन्छन् । वर्षाको हकमा भने ठीक उल्टो छ ।
कोरोना भाइरस (कोभिड १९) को चपेटामा परेको फिल्म हो, ‘बिच्छेद’ । गत वर्षको चैत ५ गतेबाट सुरु भएको फिल्मको छायांकन लकडाउन भएपछि रोकियो । अब तिहारपछि बाँकी छायांकन सुरु गर्ने तयारीमा निर्माण टिम छ । ‘अनुराग’ फेम्ड निर्देशक सत्यराज चौलागाईंले क्याप्टेनसिप सम्हालेको फिल्ममा अभिनेता मुकुन भुषाल र अभिनेत्री लक्ष्मी वर्देवाको जोडी बाँधिएको छ ।
गायनको बाटो हुँदै फिल्ममा प्रवेश गर्नेको संख्या दिन प्रतिदिन बढिरहेको छ । फिल्म क्षेत्रमा स्थापित कलाकारहरु पनि आफ्नो सौख पूरा गर्न गायक/गायिका बनेका छन् । रेखा थापा र निरुता सिंह यसका उदाहरण हुन् । उनीहरुले अभिनयसँगै गीतमा अवाज पनि भरेका छन् । तर, न गायनमा लाग्नेलाई फिल्म क्षेत्र फापेको छ न त कलाकारको गायनलाई दर्शकले रुचाएका छन् ।
बलिउडकी अभिनेत्री काजोल देवगन ५ अगस्ट अर्थात् आज आफ्नो ४६औं जन्मदिन सेलिब्रेट गर्दैछिन् । बलिउडमा उनको सफर सन् १९९२ देखि सुरु भएको थियो । करीब २८ वर्षदेखि उनी फिल्म अभिनयमा सक्रिय छिन् । बलिउडले उनलाई नाम र दामसँगै जीवन साथी पनि दिएको छ । जोसँग उनले जिन्दगीको करीब २१ वर्ष विताइसकेकी छन् । उनका श्रीमान् अजय देवगन हुन् ।
बलिउड अभिनेता सुशान्त सिंह राजपूतको निधनपछि नेपोटिज्मसँगै ग्रुपिज्मको बहसले नेपाली फिल्म क्षेत्र पनि तात्यो । यस विषयमा बहस व्यापक भइरहँदा दीपकराज गिरी, सुदर्शन थापा, सन्तोष सेन, दीपेन्द्र के. खनाल, छविराज ओझालगायतलाई फिल्म क्षेत्रमा ग्रुपिज्म गरेको आरोप लाग्यो । आफ्नो फिल्ममा एउटै कलाकार दोहोर्याएर ग्रुपिज्म गरेको आरोप उनीहरुमाथि छ ।
