Nepal's No.1 Filmy Web Magazine
२ वर्ष अगाडि फिल्म ‘ड्रिम गर्ल’ को ट्रेलर रिलिज कार्यक्रममा निर्माण घोषणा गरिएको फिल्म ‘चुरीफुरी’ को छायांकन सुरु भएको छ । अहिले काठमाडौंका विभिन्न स्थानमा छायांकन भइरहेको फिल्मलाई ऋषिराज आचार्यले निर्देशन गरिरहेका छन् । हाँस्य टेलिश्रृंंखला र वेब सिरिजका हाँस्य कलाकारहरुको बाहुल्यता रहेको फिल्मका मुख्य नायक र नायिका भने गोप्य राखिएको छ ।
अभिनेता शिव श्रेष्ठ र अभिनेत्री करिश्मा मानन्धर एक समयको हिट जोडी हो । ‘मनकामना, ट्रक ड्राइभर, आर्शिवाद’ जस्ता फिल्ममा उनीहरुले गरेको अभिनयको अहिले पनि चर्चा हुन्छ । तर, डेढ दशकदेखि भने दर्शकहरुले यो जोडीलाई एकसाथ काँचको पर्दामा हेर्न पाएका छैनन् । करिश्मा त पछिल्लो समय अभिनयबाट निस्क्रियझैँ छिन् । शिवले भने फिल्ममा काम गरिरहेका छन् ।
नेपाली सेलिब्रेटी र दर्शकबीचको दूरी मेटाउने उद्येश्यसहित नेपालमा पहिलो पटक एप्लिकेशन तथा वेभसाइट लञ्च भएको छ । मंगलवार साँझ राजधानीको पाँचतारे होटल र्याडिसनमा भएको एक कार्यक्रमका बीच ‘सेलेब्स ग्रिट्स डटकम’ को औपचारिक सुरुवात गरिएको हो । यसको ब्रान्ड एम्बेस्डरमा ‘ह्यान्डसम भिलेन’ को रुपमा परिचित अनुपविक्रम शाही नियुक्त भएका छन् ।
एक समयका सफल निर्देशक दीपक श्रेष्ठ सात वर्षपछि फिल्म निर्देशनमा फर्किँदैछन् । पछिल्लो पटक ‘रङ वे’ निर्देशन गरेका उनी अब ‘घिन्ताङ’ नाममा नयाँ फिल्म बनाउने तयारीमा जुटेका छन् । फिल्मका लागि मुख्य कलाकार समेत फाइनल गरिएको छ । केही दिन अगाडि ‘अनुराग’ बाट अभिनेत्रीमा डेब्यू गरेकी एलिजा गौतमसँग निर्देशक श्रेष्ठले कागजी सम्झौता गरेका थिए ।
अभिनेता राजेश हमालले ४ वर्षपछि फिल्मको पर्दामा कमब्याक गर्ने भएका छन् । पछिल्लो पटक फिल्म ‘शकुन्तला’ मा देखिएका उनले यसै हप्ता फिल्म ‘सत्यम्’ साइन गरेका छन् । निर्माण टिमसँग ८ महिना लामो छलफलपछि उनी यो फिल्म गर्न तयार भएका हुन् । ‘रोमियो’ फेम्ड निर्देशक शंकर कार्कीले निर्देशन गर्न लागेको फिल्ममा हमालको भूमिका शक्तिशाली रहेको जानकारी प्राप्त छ ।
‘बुलबुल’ बाट अभिनयको तारिफसँगै राष्ट्रिय तथा अन्तर्राष्ट्रिय अवार्ड बटुलेकी अभिनेत्री स्वस्तिमा खड्का पहिलो पटक नाटकमा काम गर्ने तयारीमा छिन् । १५ वर्ष अगाडि प्रकाशन भएको नारायण वाग्लेद्वारा लिखित २०६१ सालमा मदन पुरस्कार प्राप्त कृति ‘पल्पसा क्याफे’ माथि बन्न लागेको नाटकमा उनले अभिनय गर्न लागेकी हुन् । यसमा उनले पल्पसाको भूमिका निर्वाह गर्दैछिन् ।
