Nepal's No.1 Filmy Web Magazine
अभिनेता सुशान्त सिंह राजपूतको आत्महत्या प्रकरणपछि बलिउडमा छेडिएको नेपोटिज्मको बहसमा फेरि एकपटक अभिनेता अभिषेक बच्चनले आफ्नो भनाई राखेका छन् । उनले २० वर्ष लामो फिल्म करिअरमा कहिल्यै पिता (अमिताभ बच्चन) ले आफ्नो मद्दत नगरेको खुलासा गरेका छन् । कुनै पनि कलाकारको लामो करिअरमा दर्शकको स्वीकृतिले मद्दत गर्ने उनको भनाई छ ।
म्यूजिक भिडियोबाट काँचको पर्दामा फड्को मार्नेको संख्या वर्षेनी बढिरहेको छ । तर, सानो पर्दामा सफलता हासिल गरेका प्रायः कलाकारलाई फिल्ममा आफूलाई स्थापित गर्न निकै सकस परेको देखिन्छ । थोरैलाई मात्र फिल्म फलिफाप भएको छ । अभिनेता द्वय पल शाह र पुष्प खड्का पनि म्यूजिक भिडियोकै उत्पादन हुन् । दुवैले लगभग एकै समयमा करिअर सुरुवात गरेका थिए ।
केकी अधिकारीलाई नेपाली फिल्मकी भाग्यमानी अभिनेत्री भन्ने गरिन्छ । एक दशक लामो अभिनय करिअरमा उनी अभिनीत अधिकांश फिल्म बक्सअफिसमा पिटिएका छन् । तर, फिल्म नचले पनि उनी कहिल्यै कामविहीन हुनु परेन । फिल्म करिअरमा पहिलो पटक ‘छ माया छपक्कै’ बाट सफलताको सुख प्राप्त गरेकी उनले फिल्म निर्माणमा समेत हात हालिसकेकी छन् ।
कोरोना संक्रमण पुष्टि भएपछि १० दिनदेखि होम आइसोलेशन बसिरहेका चर्चित हास्यकलाकार मनोज गजुरेलको स्वास्थ्य अवस्था गम्भीर भएको छ । उनलाई कात्तिक १० गते कोरोना संक्रमण पुष्टि भएको थियो । बुधवार स्वास्थ्य अवस्था गम्भीर भएपछि उनलाई बलम्बुस्थित सशस्त्र प्रहरी अस्पतालमा भर्ना गरिएको छ । थप उपचारको लागि उनलाई बिहीबार आईसीयूमा सारिएको छ ।
यस वर्षको फेब्रअरीमा अभिनेता ऋतिक रोशनले एक अमेरिकन ट्यालेन्ट म्यानेजमेन्ट एजेन्सीलाई हायर गरेका थिए । भारतीय मिडियाका अनुसार, यो ट्यालेन्ट एजेन्सीले हलिउडमा उनको प्रचार गर्नेछ । यसबीच, ऋतिकलाई एक हलिउड फिल्मबाट अफर आएको खबर बाहिरिएको छ । उनले चाँडै पहिलो हलिउड फिल्मको छायांकन सुरु गर्ने भारतीय मिडियाले उल्लेख गरेका छन् ।
कोरोना भाइरसको महामारीका कारण आठ महिनादेखि दर्शकले सिनेमा हलमा नयाँ फिल्म हेर्न पाएका छैनन् । लकडाउनको समयमा यूट्यबमा पनि खासै धेरै फिल्म सार्वजनिक भएनन् । जसले गर्दा दर्शकहरु हलमा हेर्न छुटेका फिल्महरु यूट्युबमा प्रतिक्षा गरेर बसेका छन् । यसबीच, बिहीवारबाट अभिनेता अनमोल केसी स्टारर फिल्म ‘ए मेरो हजुर ३’ यूट्युबमा उपलब्ध भएको छ ।
