Nepal's No.1 Filmy Web Magazine
साउथ फिल्मका ‘स्टाइलिस स्टार’ अल्लू अर्जुन आफ्नो नयाँ फिल्म ‘पुष्पा’ का कारण चर्चामा छन् । १३ अगस्ट २०२१ मा प्रदर्शन हुन लागेको फिल्म हिन्दीसहित पाँच भाषामा निर्माण हुँदैछ । सुकुमार गुरुले फिल्मको निर्देशन गर्नेछन् । यसअघि उनले अल्लू अर्जुनसँग ‘आर्य र आर्य २’ जस्तो सुपरहिट फिल्म दिइसकेका छन् । ‘पुष्पा’ मा रश्मिका मन्दानाको पनि अभिनय रहनेछ ।
एक समय निर्देशक दीपक श्रेष्ठ हिट फिल्मका ग्यारेन्टी मानिन्थे । प्रायः स्टार कलाकारलाई लिएर फिल्म बनाएका उनले एकसेएक सुपरहिट फिल्म दिएका छन् । ‘पहिलो पहिलो माया, तकदिर, पापी मान्छे, पर्खि बसेँ, हिम्मत’ जस्ता दर्जनौं फिल्मको निर्देशन गरेका उनले केही फिल्ममा आफैंले अभिनय पनि गरेका छन् । पारिवारिक र एक्सन फिल्ममा उनी बढी दख्खल मानिन्छन् ।
फिल्मको कथामा सुहाउँदो पात्रका लागि अडिसनबाट कलाकार छनोट गर्ने गरिन्छ । हलिउड/बलिउडतिर अभिनयमा आफूलाई प्रमाणित गरिसकेका कलाकारहरुले समेत फिल्मका लागि अडिसन दिने गरेका छन् । यसको एउटा उदाहरण हो, अभिनेता आमिर खान अभिनीत फिल्म ‘लाल सिंह चढ्ढा’ । यो फिल्मका लागि अभिनेत्री करीना कपूर खानले अडिसन नै दिएकी थिइन् ।
लभस्टोरी फिल्म निर्देशनमा आफूलाई अब्बल सावित गरेका दिनेश राउतले फिल्म ‘प्रसाद’ बाट भने आफ्नो ट्याक परिवर्तन गरे । यो फिल्ममा प्रेमसँगै देशमा वर्षौंदेखि जरा गाँडेर बसेको जातीय विभेद र निःसन्तान दाम्पतिको कथालाई प्रधानताका साथ उठान गरिएको थियो । अब निर्देशक राउत नयाँ फिल्म ‘प्रकाश’ मा पनि सामाजिक विषयवस्तुलाई पर्दामा उतार्ने प्रयास गर्दैछन् ।
निर्देशक दिनेश राउत र अभिनेता प्रदीप खड्काबीच पहिलो पटक सहकार्य भएको फिल्म ‘प्रकाश’ को औपचारिक निर्माण घोषणा गरिएको छ । मंगलवार सरस्वती पूजाको अवसर पारेर काठमाडौंस्थित होटल याक एन्ड यतीमा एक कार्यक्रमका बीच निर्माण टिमले ‘कास्ट एन्ड क्रियू’ सार्वजनिक गर्दै फिल्म घोषणा गरेको हो । फिल्मलाई फागुनबाट जुम्लाको एक गाउँमा खिचिनेछ ।
मनोज अधिकारीको लेखन तथा निर्देशनमा बनेको फिल्म ‘पर्पला’ बाट नेपाली फिल्म क्षेत्रले नयाँ अभिनेत्री पाउने भएको छ । यो फिल्मबाट झापाकी निखिला बुढाथोकीले अभिनेत्रीको रुपमा डेब्यू गरेकी छन् । लामो समयदेखि अष्ट्रेलियामा बस्दै आएकी उनी पेशाले नर्स हुन् । अष्ट्रेलियामा कुशल बेली डान्सरको रुपमा चिनिने उनले थुप्रै म्यूजिक भिडियोमा काम गरिसकेकी छन् ।
