Nepal's No.1 Filmy Web Magazine
काठमाडौं इन्टरनेसनल माउन्टेन फिल्म फेस्टिभल (किम्फ) को १८ औं संस्करण भर्चुअलमार्फत आयोजना हुने भएको छ । मंसिर २५ गतेदेखि सुरु हुन लागेको महोत्सव चार दिनसम्म चल्नेछ । मंसिर २९ गते समापन हुने महोत्सवमा यसपटक १५ देशका १८ फिल्म प्रदर्शन हुनेछन् । त्यस्तै, ‘नेपाल पानोरामा अन्तर्गत १३ कथानक र डकुमेन्ट्री देखाइने आयोजक संस्थाले बताएको छ ।
मंसिर महिना सुरु भएपछि अविवाहित अभिनेता तथा अभिनेत्रीले मिडिया र आफन्तबाट सामना गर्ने एउटै प्रश्न हो- ‘विवाह कहिले गर्ने ?’ अभिनेत्री वर्षा सिवाकोटीले पनि यो प्रश्न हरेक वर्ष झेल्दै आएकी छन् । फिल्म क्षेत्रमा आफ्नो बेग्लै पहिचान बनाएकी उनले अबको दुई वर्षभित्र विवाह गर्ने भएकी छन् । उनले सविनजंग थापासँगको प्रेम सम्बन्धलाई विवाहमा परिणत गर्न लागेकी हुन् ।
अभिनेत्री अदिती बुढाथोकी तीन वर्षदेखि काँचको पर्दामा देखिएकी छैनन् । फिल्म ‘कृ’ बाट अभिनय करिअर सुरु गरेकी उनी यसपछि मुम्बई फर्किएकी थिइन् । लामो समयदेखि भारतमा बसेर बलिउड प्रवेशका लागि संघर्ष गरिरहेकी उनले दर्जन बढी हिन्दी र पञ्जाबी गीतमा अभिनय गरिसकेकी छन् । गएको महिना उनी अभिनीत ‘तु मेरा नही’ गीत सार्वजनिक भएको थियो ।
नेपाली फिल्ममा प्रवेश गर्न चाहनेहरुका लागि राम्रो अवसर आएको छ । दिनेश राउतको निर्देशनमा अभिनेता प्रदीप खड्काको मुख्य भूमिका रहने फिल्म ‘प्रकाश’ का लागि अडिसनबाट कलाकार छनोट गरिने भएको छ । यही डिसेम्बर १५ देखि १७ तारिखसम्म अस्कर कलेज, सुकेधारमा आयोजना हुने लागेको अडिसनबाट मुख्य अभिनेत्रीसहित अन्य कलाकार छानिनेछ ।
हलिउड/बलिउड जस्ता ठूला फिल्म उद्योगका कलाकारहरुले आफ्नो सहयोगका लागि म्यानेजर राख्ने गरेका छन् । सामाजिक सञ्जाल चलाउन, निर्माता/निर्देशकसँग फिल्मको विषयमा कुराकानी गर्न, पारिश्रमिक मिलाउन, समय व्यवस्थापन लगायतका कामका लागि उनीहरुले म्यानेजर नियुक्ति गरेका हुन्छन् । आफ्नो सुरक्षाका लागि उनीहरुले बडिगार्ड समेत राख्ने गरेका छन् ।
श्रीमानको निधन भएपछि महिलाले जीवनभर विधवा भएर बस्नुपर्ने रुढीबादी सोच नेपाली समाजमा विद्यमान छ । एकल महिलाको पुनर्विवाहलाई समाजले नकारात्मक दृष्टि हेर्ने गरेको छ । तर, श्रीमतीको निधन भएको एक महिनामा नै पुरुषले दोस्रो विवाह गर्दा समाजले कुनै प्रश्न उठाउँदैन । पछिल्लो समय भने एकल महिलाले पतिको मृत्युपश्चात दोस्रो विवाह गरेका उदाहरण धेरै छन् ।
