Nepal's No.1 Filmy Web Magazine
कृषा चौलागाईंको निर्देशनमा बन्न लागेको फिल्म ‘जहाजैमा’मा श्रृंखलाबद्ध रुपमा कलाकारहरुको प्रवेश भइरहेको छ । केही दिनअघि हास्य कलाकार केदार घिमिरे (माग्ने बुढा) र जापानी अभिनेत्री रजेल इचिमियालाई अनुबन्धित गरिएको फिल्ममा अब सौगात मल्ल भित्रिएका छन् । गत शुक्रबार उनीसँग निर्माता उज्जवल गुरागाईँले कागजी सम्झौता गरेका हुन् ।
नेपालमा अभिनयको अनुभवलाई सर्टिफिकेट मानेर निर्देशनमा होमिएका कलाकारहरूको संख्या ठूलो छ । भुवन केसी, निखिल उप्रेती, विराज भट्ट, झरना थापा, दीपाश्री निरौला लगायतले फिल्म निर्देशन गरेर सफलता पनि पाइसकेका छन् । अब अभिनेत्री तथा निर्मात्री नीता ढुंगाना (अधिकारी)ले फिल्म निर्देशन गर्ने भएकी छन् । उनले ‘सुख दुःख’बाट निर्देशनमा डेब्यु गर्न लागेकी हुन् ।
गायक तथा अभिनेता दिलजीत दोसान्झको नयाँ फिल्म ‘सरदार जी ३’ विवादमा तानिएको छ । यसको मुख्य कारण हो, पाकिस्तानी कलाकारले अभिनय गर्नु । फिल्ममा पाकिस्तानकी चर्चित अभिनेत्री हानिया आमिरसहित चारजना कलाकारले अभिनय गरेका छन् । उनीहरूकै कारण भारतमा यो फिल्मलाई प्रतिबन्ध गर्नुपर्ने माग उठेपछि निर्माताले पाकिस्तानमा मात्र फिल्म रिलिज गरेका छन् ।
प्रदर्शन मिति तय नहुँदै फिल्म ‘हली’को पहिलो गीत ‘चानस पाए त’ सार्वजनिक गरिएको छ । शुक्रबार काठमाडौंमा आयोजित एक कार्यक्रमका बीच बाबुल गिरी र शान्तिश्री परियारको स्वरमा रहेको उक्त गीत सार्वजनिक गरिएको हो । गीतमा जस्मिन श्रेष्ठको शब्द रचना तथा गायक गिरी स्वयंको संगीत रहेको छ । यो फिल्मको प्रमोसनल गीत हो ।
गायक रामकृष्ण ढकालले निर्माण गर्न लागेको फिल्म ‘मालती मंगले’को मुख्य भूमिकामा दुई कलाकार तय भएका छन् । निर्माण पक्षले शुक्रबार अभिनेता विजय बराल र अभिनेत्री वर्षा राउतलाई फिल्ममा अनुबन्धित गरेको हो । यसमा विजयले मंगले र वर्षाले मालतीको भूमिका निभाउनेछन् । यसअघि उनीहरुले ‘मिस्टर झोले’मा सहकार्य गरेका थिए ।
देशभक्ति भावनाको कथावस्तुमा बनेको फिल्म ‘यो मन त मेरो नेपाली हो’को ट्रेलर सार्वजनिक गरिएको छ । शुक्रबार काठमाडौंमा एक कार्यक्रमका बीच सार्वजनिक ट्रेलरमा नेपालको भूमि, भाषा, धर्म, संस्कृतिमाथि भइरहेको अतिक्रमण र त्यसलाई बचाउन नेपालीहरुले चलाएको अभियानलाई देखाइएको छ । भुटानी शासकबाट लखेटिएका भुटानीहरुको कथा पनि यसमा छ ।
