Nepal's No.1 Filmy Web Magazine
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले पुष ५ गते संसद विघटनको प्रस्ताव स्वीकृत गरेपछि सर्वोच्च अदालतमा दुई महिना लामो बहसपश्चात् संसद विघटनको मुद्दा किनारा लागेको छ । मंगलवार साँझ सर्वोच्च अदालतले संसद पुनर्स्थापनाको पक्षमा ऐतिहासिक फैसला गरेपछि राजनीतिक दलदेखि आम नागरिकले खुसीयाली मनाएका छन् ।
कलाकारको प्रेम र ब्रेकअपको खबर दर्शकका लागि चासोको विषय बन्ने गरेको हुन्छ भने मिडियाका लागि ‘ब्रेकिङ न्यूज’ । हलिउड/बलिउडतिर कलाकारको प्रेम, ब्रेकअप र डिभोर्सलाई अति सामान्य रुपमा लिने गरिन्छ । नेपाली फिल्म क्षेत्रमा पनि अचेल कलाकारको प्रेम र ब्रेकअप नौलो विषय होइन । महिनैपिच्छे कुनै न कुनै कलाकारको प्रेम र ब्रेकअपको खबर मिडियाका लागि मसला बनिरहेका हुन्छन् ।
एक समय बलिउडमा आफ्नो दबदबा कायम गरेकी अभिनेत्री भाग्यश्री मंगलवारबाट ५२ वर्षकी भएकी छन् । उनको जन्म २३ फेब्रअरी १९६९ मा सांगलीका राजा विजयसिंह राव माधवन राव पटवर्धनमा भएको थियो । १९८९ मा आएको राजश्री प्रोडक्शनको फिल्म ‘मैंने प्यार किया’ बाट उनले सुखद डेब्यू गरेकी थिइन् । यो फिल्ममा उनको अपोजिटमा अभिनेता सलमान खान थिए ।
सरकारले सिनेमा हल सञ्चालन र छायांकनका लागि अनुमति दिएपछि कोरोनाका कारण करीब १० महिना ठप्प भएको फिल्म क्षेत्रमा चहलपहल सुरु भएको छ । तत्काल सिनेमा हलमा नयाँ फिल्म प्रदर्शन गर्न निर्माताहरु उत्साहित नदेखिए पनि फिल्म निर्माण धमाधम भइरहेको छ । अहिले केही फिल्म फ्लोरमा छन् भने दुई दर्जन बढी फिल्म छायांकनमा निस्कने तयारीमा छन् ।
अभिनेता राजेश हमालले तीन दशकभन्दा लामो समय नेपाली फिल्म क्षेत्रमा विताइसकेका छन् । यो अवधिमा तीन सय बढी फिल्ममा अभिनय गरेका उनी पछिल्लो पटक फिल्म ‘शकुन्तला’ मा देखिएका थिए । यो फिल्मको असफलताले नराम्रोसँग हच्किएका उनले गएको चार वर्ष कुनै फिल्म साइन गरेनन् । अब उनी फिल्म ‘सत्यम्’ बाट पर्दामा पुनरागमन गर्ने तयारीमा छन् ।
‘मैले जति गरेँ आफ्नो पकेटले गरेँ । मलाई के लाग्छ भने समाजसेवा गर्ने हो भने तपाईं सम्पन्न हुनुपर्यो । तपाईंसँग एक लाख रुपैयाँ मागेर समाजसेवी कसरी हुन्छ, म त डिस्ट्रिव्यूटर भएँ नी । त्यसैले मैले जति गरेँ आफ्नो पकेटबाट गरेँ र अब जुन योजना बनाएको छु, त्यसमा पैसा लाग्दैछ,’ अभिनेत्री रेखा थापाले एक अन्तर्वार्तामा राखेको विचार हो यो । पैसा मागेर समाजसेवी नहुने उनको तर्क छ ।
