अभिनेता आर्यन सिग्देलको एक्सन भूमिका रहेको फिल्म ‘आवेग’को छायांकन सकिएको निर्माणपक्षले जानकारी दिएको छ । निर्देशक बसन्त निरौलाले ३४ दिनमा छायांकन सकिएको जानकारी दिए ।
सुर्य कार्कीको निर्माण रहेको फिल्मको छायांकनका क्रममा नायक आर्यन सिग्देल घाइते भएका थिए । आर्यन घाइते भएपछि यसको छायांकन केही दिन रोकिएको थियो । यो फिल्ममा आर्यनका अलवा पवित्रा आचार्य, ध्रुब दत्त, अर्चना देलालको मुख्य भूमिका छ ।
यसै बर्ष प्रदर्शन गर्ने लक्ष्य लिएर फिल्मको पोस्टप्रोडक्सनको काम पनि अगाडि बढाइएको छ । यसअघि 'विजयपथ' र 'राजनीति' बनाएका निर्देशक निरौलाले 'आवेग' आफ्ना लागि महत्वपूर्ण फिल्म रहेको बताए ।