अभिनेत्री अशिष्मा नकर्मीले आफूलाई अन्य हिरोइनसँग डाहा नलाग्ने बताएकी छिन् । आफूले अभिनय गरेको फिल्म ‘अधकट्टी’को प्रेसमिटमा अशिष्माले भनिन्, 'अहिलेको पुस्ता डाह गर्ने नगरी काँधमा काँध मिलाएर हिंड्न रूचाउँछन् ।'

फिल्ममा सँगै काम गरेकी अभिनेत्री रिस्ता बस्नेत र आफ्नो कामलाई एक अर्काले प्रशंसा गरेको बताइन् । अशिष्माले भनिन्–‘मलाई मेरो काम कहिले पनि मनपर्दैन । रिस्ता मेरो नृत्य रहेको गीतलाई राम्रो भन्छिन् । म उनको मोडलिङ रहेको गीतलाई राम्रो देख्छु ।’ अशिष्माले आफ्नो कामलाई राम्रो गर्ने हो अरुको डाह नगरी अगाडी बढ्नुपर्ने बताइन् ।