अभिनेत्री नन्दिता केसीले आफ्नो जन्मदिन एचअाईभी सङ्क्रमित बालबालिकासँग मनाईन् । आज आईतवार क्रीतिपुरमा अवस्थित बेबी लाईफ होममा रहेका एचअाईभी सङ्क्रमित बालबालिकासामु केक काटेर उनले आफ्नो जन्मदिन मनाएकी हुन् ।
बिहानै क्रीतिपुर पुगेर ति बालबालिकालाई पढ्ने पुस्तक बाँढेकी नन्दिताले यसरी जन्मदिन मनाउन आउँदा खुसी लागेको बताईन् । यता बालबालिकाहरू पनि अभिनेत्रीका सामु उभिन पाउँदा र माया पाउँदा खुसी देखिए । यस किसिमले जन्मदिन मनाउँदा छुट्टै आनन्द आउने नन्दिताको भनाइ छ ।
