प्रतिक्षित फिल्म 'श्री ५ अम्बरे'ले नयाँ गीत सार्वजनिक गरेको छ । 'आँखै अघि जल्यो मेरो' बोलको उक्त गीतमा सौगात मल्ल र केकी अधिकारीको अभिनय देख्न सकिनेछ । फिल्म्को उक्त गीतमा बालकलाकारहरु अविरल अधिकारी र सफोला भट्टराईको अभिनय समेत देख्न सकिनेछ ।
प्रस्तुत गीतको छायाकंनको क्रममा सौगात मल्ल २ रात लगातार पानीमा रुझेका कारण अस्वस्थ भई सुटिङ रोक्नु परेको थियो । शिव परियारको स्वरमा कालीप्रसाद बाँस्कोटाको संगीत रहेका उक्त गीतलाई लेखक समेत रहेका अभिमन्यू निरवीले लेखेका हुन् । जिवनसाथी फिल्मस्को व्यानरमा निर्मित फिल्मलाई दीपा बस्नेतले निर्देशन गरेकी हुन् ।
मंसीर ५ गते रिलिज हुने यस फिल्ममा सौगात मल्ल, केकी अधिकारी, प्रियंका कार्की, बिक्रम सिंह, सिर्जना अधिकारी, यमबुद्ध, दिवाज राइ , मार्टिन खान, राज गोदाइली आदी कलाकारहरुको अभिनय देख्न सकिन्छ । टि. एन. आचार्य र दिपक आचार्य निर्माता रहेको यस फिल्मलाई डिजिटल सिनेमा नेपालले वितरणको जिम्मा लिएको छ ।
