२०७१ सालको प्रतिक्षारत फिल्म 'श्री ५ अम्बरे'ले पिजी(अभिभावकको प्रत्यक्ष निगरानी) सर्टिफिकेट पाएको छ । मंगलबार बिहान सेन्सर बोर्डका सदस्यहरूले फिल्म हेरेपश्चात अम्बरेलाई 'पिजी' सर्टिफिकेट दिएका हुन् ।
.jpg)
सेन्सर वोर्डका सदस्यहरूले 'श्री ५ अम्बरे' विषयगत रुपमा राम्रो रहेको प्रतिकृया दिएको निर्माता दिपक आचार्य बताए । जिवनसाथी फिल्मस्को व्यानरमा निर्मित यस फिल्मलाई दीपा बस्नेतले निर्देशन गरेकि हुन् । फिल्ममा सौगात मल्ल, केकी अधिकारी, प्रियंका कार्की, बिक्रम सिंह, सिर्जना अधिकारी, यमबुद्ध, दिवाज राई, मार्टिन खान, राज गोदाइली लगायतले अभिनय गरेका छन् ।
‘श्री ५ अम्बरे’ले समाजमा रहेको राजा बन्न चाहने एक पात्रको कथामा आधारित छ जसको शिर्ष भूमिकामा सौगात मल्ल छन् । अभिमन्यु निरवीले लेखेको यो फिल्ममा कृष्णहरि बराल, कालीप्रसाद बाँस्कोटा, यम बुद्ध लगायतले गीत रचना गरेका छन् भने बसन्त सापकोटा, कालीप्रसाद बाँस्कोटा, बाबु बोगटी, तथा यम बुद्धले संगीत गरेका छन् । चन्दन दत्तको सम्पादन रहेको फिल्मलाई गणेश श्रेष्ठले छायाँकन गरेका हुन् ।
टि. एन. आचार्य र दिपक आचार्य निर्माता रहेको यस फिल्मलाई डिजिटल सिनेमा नेपालले वितरण गर्नेछ । फिल्म मंसीर ५ गते देशभर एकसाथ प्रदर्शन हुनेछ ।
