सिंगापुरे लाहुरेहरुको कथामा केन्द्रित फिल्म 'माइ प्रमिश'को रिलिज मिति तय गरिएको छ । निर्माणपक्षले दिएको जानकारी अनुसार यो फिल्म आउँदो मंसिर ५ गते रिलिज हुनेछ । यहि मितिमा 'श्री ५ अम्बरे' फिल्म पनि रिलिज हुनेछ ।
फिल्मलाई टिआरएएनजी प्रोडक्सनको ब्यानरमा सुरज सुब्बा नाल्बोले निर्देशन गरेका हुन । फिल्ममा केकी अधिकारी, रमेशचन्द्र राई, नरकुमार लिम्बु, विल्सन विक्रम राई, अनुराग मान सिंह कुवंर लगायतका कलाकारहरुको अभिनय छ ।
सिंगापुर र काठमाण्डौमा छायाँकन गरिएको यो फिल्ममा बनिश शाहको सम्पादन, महेश खडकाको संगीत, रोशन श्रेष्ठको द्धन्द तथा गोविन्द राईको नृत्य रहेको छ । रिलिज अघि नै फिल्मको देश तथा विदेशका विभिन्न स्थानमा च्यारिटी शो समेत गरिएको छ ।