राजधानीमा शनिबार आयोजना भएको एघारौं 'डि सिने अवार्ड - २०७६' मा पछिल्लो वर्षको दशैंमा प्रदर्शनमा आएको सुपरहिट फिल्म ‘छक्का पञ्जा ३’ ले सर्वाधिक ८ विधामा अवार्ड जितेको छ । उत्कृष्ट फिल्मको अवार्डसहित गायक, गायिका, लोक संगीत, हास्यकलाकार, चरित्र अभिनेत्री, सम्पादन र निर्देशकको अवार्ड यस फिल्मले आफ्नो पोल्टामा पारेको हो । उत्कृष्ट निर्देशकको अवार्ड उचाल्न निर्देशक दीपाश्री निरौला स्टेज चढेकी थिइन् ।
.jpg)
गत वर्षको अन्तिम फिल्म मध्येको एक 'यात्रा' ले पनि क्रिटिक्स अवार्डसहित ६ विधामा अवार्ड जितेको छ । फिल्मले द्वन्द्व निर्देशक, पटकथा, नव-निर्देशक, सह-अभिनेता, अभिनेता, नव-निर्देशकको अवार्ड प्राप्त गरेको हो । डि सिने अवार्डमा 'यात्रा' बाट उत्कृष्ट अभिनेताको अवार्ड सलिनमान बनियाले उचाल्दा फिल्म 'प्रसाद' बाट नम्रता श्रेष्ठ उत्कृष्ट अभिनेत्री घोषित भएकी थिइन् ।
.jpg)
निकै न्यून संख्यामा कलाकारहरुको उपस्थिति रहेको अवार्ड कार्यक्रममा बरिष्ठ अभिनेता नीर शाहलाई छायाँछवि लाइफटाइम लिजेण्ड्री अवार्ड, गायिका देवीका बन्दनालाई छायाँछवि चलचित्रकर्मी रजत सम्मान, निर्देशक शोभित बस्नेतलाई छायाँछवि चलचित्रकर्मी रजत सम्मान र पत्रकार अनन्त वाग्लेलाई छायाँछवि चलचित्र पत्रकारिता पुरस्कार पनि प्रदान गरिएको थियो ।
हरेक वर्षझैँ 'डि सिने अवार्ड' यसपटक पनि विवादबाट टाढा रहने देखिन्न । किनकि, पटकथामा अवार्ड नजितेको ‘छक्का पञ्जा ३’ उत्कृष्ट फिल्म घोषित भएको छ । पटकथा भनेको फिल्मको मेरुदण्ड हो । पटकथा नै खराब छ भने अब्बल निर्देशकले समेत राम्रो फिल्म बनाउन सक्दैनन् । तर, डि सिने अवार्डमा पटकथाको अवार्ड फिल्म 'यात्रा' ले उचाल्यो । अनि, उत्कृष्ट फिल्म 'छक्का पञ्जा ३' बन्न सफल भयो ।
अवार्ड समारोहमा उपस्थिति अधिकांश फिल्मकर्मीले राम्रोलाई भन्दा हाम्रोलाई दिने प्रवृत्तिबाट डि सिने अवार्ड पनि गाँजिएको टिप्पणी गरे । केही विधामा मनलाग्दी रुपमा बाँडिएको अवार्ड देखेर धेरैजसो फिल्मकर्मीहरु आधाआधीमै अवार्ड समारोहबाट बाहिरिएका थिए । अवार्ड आयोजक संस्था छायाँछवि क्रियशनका अध्यक्ष शान्तिप्रियले भने अवार्ड सधैं विवादित बन्ने गरेको र आफूहरु सधैं कम विवाद होस् भन्ने चाहने बताए ।
.jpg)
अवार्ड विजेताहरुको पूर्ण सूची :-
१. उत्कृष्ट पाश्र्वसंगीत
जैशन कुँवर र प्रवेश मल्लिक - भोर
२. उत्कृष्ट साउण्ड डिजाइन
मुकेश शाह - डमरुको डण्डीवियो
३. उत्कृष्ट गीतकार
राजेश श्रेष्ठ - फूल होइन (रोज)
.jpg)
४. उत्कृष्ट गायिका
विन्दु परियार - पहिलो नम्बरमा (छक्का पञ्जा –३)
५. उत्कृष्ट गायक
डेविड शंकर - पहिलो नम्बरमा (छक्का पञ्जा –३)
६. उत्कृष्ट चलचित्र लोक संगीत संगीतकार
दिपक शर्मा - पहिलो नम्बरमा (छक्का पञ्जा –३)
७. उत्कृष्ट संगीतकार
एलिस कार्की - फूल होइन माया (रोज)
८. उत्कृष्ट चलचित्र लोकगीत नृत्य निर्देशक
बसन्त श्रेष्ठ - उम्लियो भने (जय भोले)
.jpg)
९. उत्कृष्ट नृत्य निर्देशक
कविराज गहतराज - तिम्रो लागि (राम काहानी)
१०. उत्कृष्ट द्वन्द्व निर्देशक
हिमाल के.सी. - यात्रा : अ म्यूजिकल भ्लग
११. उत्कृष्ट बालकलाकार
एञ्जल राई - हैरान
१२. उत्कृष्ट हाँस्य कलाकार
केदार घिमिरे - छक्का पञ्जा –३
१३. उत्कृष्ट खलपात्र
माओत्से गुरुङ्ग - चङ्गा चेट
१४. उत्कृष्ट कथा
दिपेन्द्र लामा - गोपी
१५. उत्कृष्ट पटकथा
यात्रा : अ म्यूजिकल भ्लग - सम्राट शाक्य
.jpg)
१६. उत्कृष्ट संवाद
शुशिल पौड्याल - प्रसाद
१७. नव-नायिका
सुहाना थापा - ए मेरो हजुर –३
१८. उत्कृष्ट नव-नायक
घिरज मगर - इन्टु मिन्टु लण्डनमा
.jpg)
१९. उत्कृष्ट नव-निर्देशक
सम्राट शाक्य - यात्रा : अ म्यूजिकल भ्लग
२०. उत्कृष्ट चरित्र-अभिनेत्री
लक्ष्मी गिरी - छक्का पञ्जा –३
२१. उत्कृष्ट चरित्र-अभिनेता
सरोज खनाल - क्याप्टेन
२२. उत्कृष्ट सह–अभिनेत्री
नम्रता सापकोटा - समर लभ
.jpg)
२३. उत्कृष्ट सह–अभिनेता
सलोन बस्नेत - यात्रा : अ म्यूजिकल भ्लग
२४. उत्कृष्ट छायाँकार
सञ्जय लामा - ए मेरो हजुर –३
२५. उत्कृष्ट सम्पादक
विपिन मल्ल - छक्का पञ्जा –३
२६. उत्कृष्ट अभिनेत्री
नम्रता श्रेष्ठ - प्रसाद
.jpg)
२७. उत्कृष्ट अभिनेता
सलिनमान बनिया - यात्रा : अ म्यूजिकल भ्लग
२८. उत्कृष्ट निर्देशक
दिपाश्री निरौला - छक्का पञ्जा –३
२९. उत्कृष्ट पपुलर चलचित्र
ए मेरो हजुर –३ - सुहाना इन्टरटेनमेन्ट
३०. उत्कृष्ट चलचित्र
छक्का पञ्जा –३ - आमा सरस्वती मुभिज
क्रिटिक्स अवार्ड : यात्रा
जुरी अवार्ड : डमरुको डण्डीवियो
प्रोत्साहन अवार्ड : सुकुलगुण्डा
